கோரிக்கைகள் நிறைவேற்றும் வரை எங்களது போராட்டம் தொடரும் விவசாயிகள் அறிவிப்பு

புதுடெல்லி,

பயிர்க்கடன் தள்ளுபடி, காவிரி மேலாண்மை வாரியம் அமைப்பது உள்ளிட்ட கோரிக்கைகளை வலியுறுத்தி டெல்லி ஜந்தர் மந்தர் பகுதியில் தமிழக விவசாயிகள் கடந்த 16-ந்தேதி முதல் போராட்டம் நடத்தி வருகிறார்கள். மத்திய-மாநில அரசுகளின் கவனத்தை ஈர்ப்பதற்காக அவர்கள் ஒவ்வொரு நாளும் நூதன முறையில் போராட்டம் நடத்துகிறார்கள். நேற்று முன்தினம் விவசாயிகள் தங்களை தாங்களே துடைப்பத்தால் அடித்துக்கொண்டு போராட்டத்தில் ஈடுபட்டனர்.

விவசாயிகளின் போராட்டம் நேற்று 7-வது நாளாக நீடித்தது. நேற்று விவசாயிகள் பாதி மொட்டை அடித்துக்கொண்டு போராட்டத்தில் ஈடுபட்டனர். 8-வது நாளாக  இன்று விவசாயிகள் மொட்டையடித்தும்,  மனித மண்டை ஓடுகள், எலும்பு துண்டுகள், விஷ பாட்டில்கள் ஆகியவற்றுடன் விவசாயிகள் போராட்டத்தை தொடங்கினர். கோரிக்கைகள் நிறைவேற்றும் வரை 100 நாள் 200 நாள் வரை எங்களது போராட்டம் தொடரும் என விவசாயிகள் தெரிவித்துள்ளனர்.