தேசிய செய்திகள்

தமிழ்நாடு உள்பட 6 மாநிலங்களுக்கு பசுமை தீர்ப்பாயம் கட்டுப்பாடு + "||" + The Green Tribunal has imposed restrictions on six states including Tamil Nadu

தமிழ்நாடு உள்பட 6 மாநிலங்களுக்கு பசுமை தீர்ப்பாயம் கட்டுப்பாடு

தமிழ்நாடு உள்பட 6 மாநிலங்களுக்கு பசுமை தீர்ப்பாயம் கட்டுப்பாடு
மேற்கு தொடர்ச்சி மலை சுற்றுச்சூழல் விவகாரத்தில் தமிழ்நாடு உள்பட 6 மாநிலங்களுக்கு பசுமை தீர்ப்பாயம் கட்டுப்பாடு விதித்துள்ளது.
புதுடெல்லி,

மேற்கு தொடர்ச்சி மலையில், குஜராத், மராட்டியம், கோவா, கர்நாடகா, கேரளா, தமிழ்நாடு ஆகிய 6 மாநிலங்களில் உள்ள மொத்தம் 56 ஆயிரத்து 825 சதுர கி.மீ. நிலப்பரப்பை சுற்றுச்சூழல் பாதுகாப்பு மண்டலமாக மத்திய சுற்றுச்சூழல் அமைச்சகம் அறிவித்துள்ளது. இதுதொடர்பான வரைவு அறிவிக்கையை மேற்கண்ட 6 மாநிலங்களுக்கும் அனுப்பி கருத்து கேட்டது. ஆனால், பெரும்பாலான மாநிலங்கள் கருத்து தெரிவிக்கவில்லை. இதற்கிடையே, வரைவு அறிவிக்கை காலாவதி ஆனதால், மீண்டும் வெளியிட அனுமதி கேட்டு, பசுமை தீர்ப்பாயத்தை மத்திய சுற்றுச்சூழல் அமைச்சகம் அணுகியது. அதை விசாரித்த நீதிபதி ஏ.கே.கோயல் தலைமையிலான அமர்வு, ‘மாநிலங்களின் தாமதம், சுற்றுச்சூழலை பாதுகாக்க உதவாது’ என்று கண்டனம் தெரிவித்தது.


மேலும், மேற்கு தொடர்ச்சி மலையின் சுற்றுச்சூழல் பாதுகாப்பு மண்டலத்தில், சுற்றுச்சூழலை பாதிக்கும் எந்த செயல்பாடுகளுக்கும் சுற்றுச்சூழல் அனுமதி தரக்கூடாது என்று தமிழ்நாடு உள்ளிட்ட 6 மாநிலங்களுக்கும் உத்தரவிட்டது.


தொடர்புடைய செய்திகள்

1. மேற்கு தொடர்ச்சி மலையில் கனமழை: பஞ்சலிங்க அருவியில் வெள்ளப்பெருக்கு
மேற்கு தொடர்ச்சி மலையில் பெய்து வரும் கனமழையால் பஞ்சலிங்க அருவியில் வெள்ளப்பெருக்கு ஏற்பட்டுள்ளது. இதனால் சுற்றுலா பயணிகள் குளிக்க 2-வது நாளாக தடை விதிக்கப்பட்டுள்ளது.
2. பசுமை தீர்ப்பாய விசாரணையில் 2 அதிகாரிகள் இணைந்து பணியாற்ற முடியுமா? தமிழக அரசுக்கு ஐகோர்ட்டு கேள்வி
“ஸ்டெர்லைட் ஆலை குறித்து பசுமை தீர்ப்பாய விசாரணையின் போது, 2 அதிகாரிகள் இணைந்து பணியாற்ற முடியுமா?” என்பது குறித்து தமிழக அரசு பதில் அளிக்குமாறு உத்தரவிடப்பட்டுள்ளது.
3. ஸ்டெர்லைட்: பசுமை தீர்ப்பாய உத்தரவுக்கு எதிராக சுப்ரீம் கோர்ட்டில் தமிழக அரசு மேல்முறையீடு
பசுமை தீர்ப்பாயம் பிறப்பித்த உத்தரவுக்கு எதிராக, தமிழக அரசு சுப்ரீம் கோர்ட்டில் மேல்முறையீடு செய்து உள்ளது.
4. பஞ்சலிங்க அருவியில் குளிக்க தடை: சுற்றுலா பயணிகள், பக்தர்கள் ஏமாற்றம்
மேற்குதொடர்ச்சி மலை பகுதிகளில் பெய்து வரும் கன மழையால் பஞ்சலிங்க அருவியில் குளிக்க தடை விதிக்கப்பட்டுள்ளது. இதனால் சுற்றுலா பயணிகள் மற்றும் பக்தர்கள் குளிக்க முடியாமல் ஏமாற்றம் அடைந்தனர்.
5. மேற்கு தொடர்ச்சி மலைப்பகுதியில் புலிகள் கணக்கெடுக்கும் பணி தொடக்கம்
ராஜபாளையம் மேற்கு தொடர்ச்சி மலைப்பகுதியில் புலிகள் கணக்கெடுக்கும் பணி தொடங்கியது.