நாடாளுமன்ற தேர்தல்: ஒய்.எஸ்.ஆர். காங்கிரஸ் வேட்பாளர் பட்டியல் - நாளை வெளியாகிறது

நகரி,

நாடாளுமன்ற தேர்தலில் ஒய்.எஸ்.ஆர். காங்கிரஸ் கட்சி சார்பில் போட்டியிடும் வேட்பாளர்கள் பட்டியல் நாளை (சனிக்கிழமை) வெளியிடப்படும் என அக்கட்சியின் செயலாளர் ரகுராம் அறிவித்து உள்ளார்.

இதுகுறித்து அவர் கூறுகையில், ‘ஒய்.எஸ்.ஆர். காங்கிரஸ் கட்சி சார்பில் நாடாளுமன்ற தேர்தலில் போட்டியிடும் வேட்பாளர்கள் பட்டியல் கடந்த 13-ந்தேதி வெளியிடுவதாக இருந்தது. கட்சியில் முக்கிய நிர்வாகிகள் இணைந்ததால் குறிப்பிட்ட நேரத்தில் வேட்பாளர்கள் பட்டியலை வெளியிட முடியாமல் போனது, அதை நாளை (சனிக்கிழமை) தள்ளிவைத்தோம். அதன்படி நாளை கட்சி தலைவர் ஜெகன்மோகன் ரெட்டி தனது தந்தையாரின் நினைவிடத்தில் அஞ்சலி செலுத்திவிட்டு வேட்பாளர்கள் பட்டியலை வெளியிடுகிறார். அன்றைய தினமே அவர் குண்டூர் மாவட்டத்தில் தனதுதேர்தல் பிரசாரத்தையும் தொடங்குகிறார்’ என்றார்.