ஆள் கடக்கும் பாதைக்கு பதிலாக ரெயில்வே சுரங்கப்பாதைகள் எப்போது அமைக்கப்படும்? - தயாநிதி மாறன் எம்.பி. கேள்வி

புதுடெல்லி,

மக்களவையில் நேற்று கேள்வி நேரத்தின்போது, மத்திய சென்னை தி.மு.க. எம்.பி. தயாநிதி மாறன் பேசியதாவது:-

இந்தியா முழுவதும் 21 ஆயிரத்து 340 ஆள் கடக்கும் பாதை (லெவல் கிராசிங்) இருக்கின்றன. தமிழ்நாட்டில் மட்டும் அகல ரெயில் பாதையில் 1,419 லெவல் கிராசிங்கும், குறுகிய ரெயில் பாதையில் 9 லெவல் கிராசிங்கும் உள்ளது. இதனால் அங்கு ஏற்படக்கூடிய போக்குவரத்து நெரிசலை தவிர்த்திடவும், காலவிரயத்தை தவிர்த்திடவும் மனிதர்களால் இயக்கப்படும் லெவல் கிராசிங்கிற்கு பதிலாக ரெயில்வே சுரங்கப்பாதைகள் எப்போது அமைக்கப்படும். இவ்வாறு அவர் கேள்வி எழுப்பி பேசினார்.