நாங்குநேரி, விக்கிரவாண்டி தொகுதிகளுக்கு அக்டோபர் 21-ந்தேதி இடைத்தேர்தல்

புதுடெல்லி

டெல்லியில் தேர்தல் ஆணைய தலைமை அலுவலகத்தில் இன்று  தலைமைத் தேர்தல் ஆணையர் சுனில் அரோரா, தேர்தல் ஆணையர்கள் அசோக் லவசா, சுஷில் சந்திரா ஆகிய மூவரும் செய்தியாளர்களை சந்தித்தனர். மராட்டிய சட்டசபை நவம்பர் 9-ம் தேதியும், அரியானா சட்டசபை நவம்பர் 2-ம் தேதியும் நிறைவடைகிறது அம்மாநிலங்களில் தேர்தல் தேதி தொடர்பாக தலைமை தேர்தல் ஆணையர் சுனில் அரோரா நிருபர்களுக்கு பேட்டி அளித்தார் அப்போது அவர் கூறியதாவது:-

* மராட்டியம், அரியானாவில் அடுத்த மாதம் அக்டோபர் 21 ந்தேதி தேர்தல் நடைபெறும்.  24 ந்தேதி வாக்கு எண்ணிக்கை நடைபெறும்.

* விக்கிரவாண்டி - நாங்குநேரி சட்டப்பேரவை தொகுதிகளுக்கான இடைத்தேர்தல்  தேர்தல் நாள்: அக்டோபர் 21 ; வாக்கு எண்ணிக்கை: அக்டோபர் 24.

2 தொகுதிகளிலும் தேர்தல் நடத்தை விதிமுறைகள் அமலுக்கு வந்தது.

புதுச்சேரி காமராஜ் நகர்  சட்டப்பேரவை தொகுதிக்கான  இடைத்தேர்தல்  தேர்தல் நாள்: அக்டோபர் 21 ; வாக்கு எண்ணிக்கை: அக்டோபர் 24