தேசிய செய்திகள்

‘போலீசார் பொதுமக்களின் நண்பர்களாக மாறவேண்டும்’ - பயிற்சி ஐ.பி.எஸ். அதிகாரிகளுக்கு பிரதமர் மோடி அறிவுரை + "||" + Cops to become friends of the public - PM Modi advised to Training IPS Officials

‘போலீசார் பொதுமக்களின் நண்பர்களாக மாறவேண்டும்’ - பயிற்சி ஐ.பி.எஸ். அதிகாரிகளுக்கு பிரதமர் மோடி அறிவுரை

‘போலீசார் பொதுமக்களின் நண்பர்களாக மாறவேண்டும்’ - பயிற்சி ஐ.பி.எஸ். அதிகாரிகளுக்கு பிரதமர் மோடி அறிவுரை
போலீசார் பொதுமக்களின் நண்பர்களாக மாறவேண்டும் என்று பயிற்சி ஐ.பி.எஸ். அதிகாரிகளுக்கு பிரதமர் மோடி அறிவுரை வழங்கினார்.
புதுடெல்லி,

2018-ம் ஆண்டு ஐ.பி.எஸ். பணியில் சேர்ந்து பயிற்சி பெற்று வரும் 126 இளம் அதிகாரிகள் பிரதமர் மோடியை டெல்லியில் நேற்று சந்தித்தனர். அவர்களுடன் மோடி கலந்துரையாடினார். அவர்களுடன் உரையாடும்போது அவர் கூறியதாவது:-


உங்களை நீங்கள் நம்ப வேண்டும். அலுவலக பயிற்சியுடன், தன்னம்பிக்கையுடன் கூடிய உள்ளார்ந்த ஆற்றலும்தான் தினந்தோறும் நீங்கள் சந்திக்கும் சவால்களை எதிர்கொள்ள ஆற்றலை தரும். குற்றங்களை தடுப்பதற்கு முக்கியத்துவம் அளிப்பதிலும், நவீன போலீஸ் துறையை உருவாக்குவதில் தொழில்நுட்பங்களை முன்னிலைப்படுத்துவதிலும் போலீசார் முக்கிய பங்காற்ற வேண்டும்.

போலீசார் தங்கள் தினசரி பணியில் சேவை மற்றும் அர்ப்பணிப்பை மனதிற்கொண்டு செயலாற்ற வேண்டும். குறிப்பாக சாதாரண குடிமக்களுடன் தங்களுக்கு உள்ள தொடர்பின் முக்கியத்துவத்தை போலீசார் உணர வேண்டும்.

போலீஸ் துறை பற்றிய பொதுமக்களின் கண்ணோட்டத்தை ஒவ்வொரு அதிகாரியும் உணர்ந்து கொள்வதுடன், தங்களை பொதுமக்கள் எளிதில் அணுகும் நிலையையும் ஏற்படுத்த வேண்டும். அத்துடன் போலீசார் பொதுமக்களின் நண்பர்களாக மாறவேண்டும்.

சிறப்புமிக்க தேசத்தை உருவாக்கும் வகையில் அயராது உழைத்து வரும் இளம் அதிகாரிகளாகிய உங்கள் அனைவரையும் பாராட்டுகிறேன். 2018-ம் ஆண்டு பிரிவில் ஏராளமான பெண்கள் இடம்பெற்றிருப்பது மகிழ்ச்சியை அளிக்கிறது. இது போலீஸ் துறை மற்றும் நாட்டின் கட்டுமானத்தில் நேர்மறையான விளைவுகளை ஏற்படுத்தும். இவ்வாறு பிரதமர் மோடி கூறினார்.

இந்த சந்திப்பின்போது, நாட்டின் பின்தங்கிய மாவட்டங்களை மேம்படுத்தும் பணியில் போலீசாரின் பங்கு குறித்தும் விவாதிக்கப்பட்டது.


தொடர்புடைய செய்திகள்

1. சாராய வேட்டைக்கு சென்ற இடத்தில் வீடு புகுந்து திருடிய போலீசார் கைது செய்து விசாரணை
சாராய வேட்டைக்கு சென்ற இடத்தில் வீடுகளில் புகுந்து நகை, பணம் திருடிய சப்-இன்ஸ்பெக்டர் உள்பட 3 போலீசார் மீது வழக்குப்பதிவு செய்து கைது செய்யப்பட்டனர்.
2. காவலில் எடுத்து விசாரிக்கவேண்டி இருப்பதாக கூறி முன்னாள் அமைச்சர் மணிகண்டனுக்கு முன்ஜாமீன் வழங்க போலீசார் எதிர்ப்பு தீர்ப்பு ஒத்திவைப்பு
நடிகை சாந்தினி அளித்த புகாரில் முன்னாள் அமைச்சர் மணிகண்டனை காவலில் எடுத்து விசாரிக்க வேண்டி இருப்பதாக கூறி அவருக்கு முன்ஜாமீன் வழங்க போலீசார் எதிர்ப்பு தெரிவித்தனர். அதைத்தொடர்ந்து முன்ஜாமீன் மனு மீதான தீர்ப்பை தேதி குறிப்பிடாமல் நீதிபதி தள்ளிவைத்தார்.
3. திருத்தணி அருகே மோட்டார் சைக்கிளில் கடத்தி வந்த ரூ.20 லட்சம் கஞ்சா பறிமுதல் வாலிபர்களுக்கு போலீசார் வலைவீச்சு
திருத்தணி அருகே மோட்டார் சைக்கிளில் கடத்தி வந்த ரூ.20 லட்சம் கஞ்சா பறிமுதல் செய்யப்பட்டது.
4. பண்ணை வீட்டில் உள்ள கிணற்றில் சென்னை தொழில் அதிபர் பிணம் கொலையா? போலீசார் விசாரணை
பண்ணை வீட்டில் உள்ள கிணற்றில் சென்னையை ேசர்ந்த ெதாழில் அதிபர் பிணமாக கிடந்தார். அவர் கொலை செய்யப்பட்டாரா? என்பது குறித்து அங்கு வேலை செய்யும் 5 பேரிடம் போலீசார் விசாரித்து வருகின்றனர்.
5. திருவண்ணாமலை கிரிவலப்பாதையில் சிறுவன் யாகம் செய்வது போல் பரவும் வீடியோ காட்சிகளால் பரபரப்பு போலீசார் விசாரணை
திருவண்ணாமலை கிரிவலப்பாதையில் இரவு நேரத்தில் சிறுவன் யாகம் செய்வது போல் பரவும் வீடியோ காட்சிகளால் பரபரப்பு ஏற்பட்டுள்ளது.

அதிகம் வாசிக்கப்பட்டவை