தேசிய செய்திகள்

சிவசேனாவுக்கு ஆதரவு தெரிவிக்க சோனியாவுக்கு காங்கிரஸ் எம்.பி. வேண்டுகோள் + "||" + Maha tussle:Cong MP writes to Sonia, requests support for Sena

சிவசேனாவுக்கு ஆதரவு தெரிவிக்க சோனியாவுக்கு காங்கிரஸ் எம்.பி. வேண்டுகோள்

சிவசேனாவுக்கு ஆதரவு தெரிவிக்க சோனியாவுக்கு காங்கிரஸ் எம்.பி. வேண்டுகோள்
சிவசேனாவுக்கு ஆதரவு தெரிவிக்க வேண்டும் என சோனியா காந்திக்கு காங்கிரஸ் எம்.பி. வேண்டுகோள் விடுத்துள்ளார்.
நாக்பூர்,

மராட்டிய சட்டசபை தேர்தல் முடிவுகள் கடந்த 24ந்தேதி வெளியானது. இதில் ஆளும் கூட்டணி கட்சிகளான பா.ஜனதாவுக்கு 105 இடங்களும், சிவசேனாவுக்கு 56 தொகுதிகளும் கிடைத்தன.

ஆட்சி அமைக்க போதிய தொகுதிகளை பா.ஜ.க. பெறாத நிலையில், அக்கட்சிக்கும் கூட்டணி கட்சியான சிவசேனாவுக்கும் இடையே அதிகார பகிர்வில் ஒப்புதல் ஏற்படவில்லை.

இந்த நிலையில், மராட்டியத்தில் தேசியவாத காங்கிரஸ், காங்கிரஸ் ஆதரவுடன் ஆட்சி அமைக்க சிவசேனா முயற்சி செய்து வருகிறது. இது குறித்து மாநில காங்கிரஸ் தலைவர்கள், கட்சியின் மேலிட தலைவர்களை தொடர்பு கொண்டு பேசினர். பாரதீய ஜனதாவை ஆட்சிக்கு வர விடாமல் தடுக்க இது சிறந்த திட்டம் என்று காங்கிரஸ் மேலிட தலைவர்களும் பச்சை கொடி காட்டினர்.

இந்த விஷயத்தில் சோனியா காந்தியின் ஒப்புதலை பெற முடிவு செய்யப்பட்டது. இதையடுத்து நேற்று மாநில காங்கிரஸ் தலைவர் பாலசாகேப் தோரட், முன்னாள் முதல்-மந்திரிகள் அசோக் சவான், பிரிதிவிராஜ் சவான், முன்னாள் மாநில காங்கிரஸ் தலைவர் மாணிக்ராவ் தாக்கரே ஆகியோர் டெல்லி விரைந்தனர். இரவில் அவர்கள் சோனியா காந்தியை சந்தித்து பேசினர்.

இந்நிலையில், நாடாளுமன்ற மேலவை எம்.பி.யான காங்கிரஸ் கட்சியை சேர்ந்த உசைன் தல்வாய் அக்கட்சியின் இடைக்கால தலைவர் சோனியா காந்திக்கு கடிதம் ஒன்றை எழுதியுள்ளார். அந்த கடிதத்தில், சிவசேனா கட்சியானது, அரசு அமைக்க வேண்டி, அதற்கான கோரிக்கையுடன் முன்வருமெனில் அவர்களுக்கு காங்கிரஸ் கட்சியானது ஆதரவு வழங்க வேண்டும் என கேட்டு கொண்டுள்ளார். 

அதில், சிவசேனா மற்றும் பா.ஜ.க. இரண்டும் வேறுபட்டவை.  பிரதீபா பாட்டில் மற்றும் பிரணாப் முகர்ஜி குடியரசு தலைவர்களாவதற்கு சிவசேனா கட்சியினர் ஆதரவு வழங்கினர்.  பா.ஜ.க. போன்று சிவசேனாவின் அரசியல் இல்லை.  பா.ஜ.க.வை அதிகாரத்தில் இருந்து விலக்கி வைப்பதற்கு சிவசேனா கட்சியினருக்கு நாம் ஆதரவு வழங்க வேண்டும் என தெரிவித்து உள்ளார்.

காங்கிரஸ் எம்.பி.யின் இந்த கடிதத்திற்கு சிவசேனா வரவேற்பு அளித்து உள்ளது.

தொடர்புடைய செய்திகள்

1. சட்டம் மற்றும் ஒழுங்கை காக்க நடவடிக்கை மேற்கொள்ளுங்கள்; மாநிலங்களுக்கு அமித் ஷா வேண்டுகோள்
சட்டம் மற்றும் ஒழுங்கை காக்க நடவடிக்கை மேற்கொள்ளும்படி அனைத்து மாநிலங்களுக்கும் அமித் ஷா வேண்டுகோள் விடுத்து உள்ளார்.
2. இடி, மின்னல் ஏற்படும்போது பொதுமக்கள் வெளியில் செல்வதை தவிர்க்க வேண்டும் கலெக்டர் வேண்டுகோள்
இடி, மின்னல் ஏற்படும் போது பொதுமக்கள் வெளியில் செல்வதை தவிர்க்க வேண்டும் என கலெக்டர் உமா மகேஸ்வரி வேண்டுகோள் விடுத்து உள்ளார்.
3. டெங்கு தடுப்பு நடவடிக்கைகளுக்கு பொதுமக்கள் ஒத்துழைக்க வேண்டும் கலெக்டர் வேண்டுகோள்
டெங்கு தடுப்பு நடவடிக்கைகளுக்கு பொதுமக்கள் ஒத்துழைக்க வேண்டும் என கலெக்டர் வேண்டுகோள் விடுத்துள்ளார்.
4. காய்ச்சல் பாதிப்பு ஏற்பட்டால் டாக்டரின் ஆலோசனையின்றி மருந்து வாங்கி உட்கொள்ள கூடாது கலெக்டர் வேண்டுகோள்
காய்ச்சல் பாதிப்பு ஏற்பட்டால் டாக்டரின் ஆலோசனையின்றி நேரடியாக மருந்து கடைகளில் மருந்து வாங்கி உட்கொள்ள கூடாது என கலெக்டர் உமா மகேஸ்வரி வேண்டுகோள் விடுத்துள்ளார்.
5. தகுதி பெறாத, முறையாக பட்டம் பெறாத போலி மருத்துவர்கள் குறித்து பொதுமக்கள் தகவல் தெரிவிக்கலாம் கலெக்டர் வேண்டுகோள்
தகுதி பெறாத, முறையாக பட்டம் பெறாத போலி மருத்துவர்கள் குறித்து பொதுமக்கள் தகவல் அளிக்கலாம் என கலெக்டர் உமா மகேஸ்வரி வேண்டுகோள் விடுத்து உள்ளார்.