தேசிய செய்திகள்

இந்திய சுற்றுப்பயணத்தை ஜப்பான் பிரதமர் ரத்து செய்யலாம் எனத் தகவல் + "||" + Japan PM May Cancel India Visit Amid Protests Over Citizenship Act: Report

இந்திய சுற்றுப்பயணத்தை ஜப்பான் பிரதமர் ரத்து செய்யலாம் எனத் தகவல்

இந்திய சுற்றுப்பயணத்தை ஜப்பான் பிரதமர்  ரத்து செய்யலாம் எனத் தகவல்
அசாமில் போராட்டம் நடந்து வரும் நிலையில், இந்திய சுற்றுப்பயணத்தை ஜப்பான் பிரதமர் ரத்து செய்வது குறித்து பரிசீலித்து வருவதாக செய்திகள் வெளியாகியுள்ளன.
டோக்கியோ, 

ஜப்பான் பிரதமர் ஷின்சோ அபே வரும் 15,16 ஆம் தேதிகளில் இந்தியாவில் சுற்றுப்பயணம் செய்ய திட்டமிட்டு இருந்தார். அசாம் மாநிலத்தில் உள்ள கவுகாத்தியில் பிரதமர் மோடி மற்றும் ஷின்சோ அபே ஆகிய இருவரும் சந்தித்து பேச திட்டம் வகுக்கப்பட்டுள்ளது. 

ஆனால், குடியுரிமை திருத்த சட்டத்துக்கு எதிராக வடகிழக்கு மாநிலங்களில் கடும் போராட்டம் நடைபெற்று வருகிறது. குறிப்பாக அசாமில் மக்கள் மத்தியில் கொந்தளிப்பான சூழல் நிலவுகிறது. இதனால், அங்கு ஊரடங்கு உத்தரவு பிறப்பிக்கப்பட்டுள்ளது. ஆனால், தடையை மீறி நூற்றுக்கணக்கான மக்கள் வீதிகளில் திரண்டு போராட்டத்தில் ஈடுபட்டனர். அப்போது ஏற்பட்ட வன்முறையை அடுத்து பாதுகாப்பு படையினர் துப்பாக்கியை பிரயோகப்படுத்தினர். இதில், போராட்டக்காரர்களில் 3 பேர் பலியாகினர்.  இணையதள சேவையும் அசாம், மேகாலயாவில் முடக்கப்பட்டுள்ளது. 

கடந்த  இரு தினங்களாக அசாமில் போராட்டம் தீவிரம் அடைந்துள்ள நிலையில், ஜப்பான் பிரதமர் தனது இந்திய சுற்றுப்பயணத்தை ரத்து செய்வது குறித்து பரிசீலித்து வருவதாக ஜப்பான் ஊடகங்கள் செய்தி வெளியிட்டுள்ளன. எனினும்,  இது தொடர்பாக தங்களுக்கு எந்த தகவலும் கிடைக்கவில்லை என்று இந்திய வெளியுறவுத்துறை அமைச்சகம் தெரிவித்துள்ளது. 

தொடர்புடைய செய்திகள்

1. அசாமில் தடுப்புக் காவல் மையம் எதுவும் கட்டப்படவில்லை - மக்களவையில் மத்திய அரசு தகவல்
அசாமில் தடுப்புக் காவல் மையம் எதுவும் கட்டப்படவில்லை என்று மத்திய அரசு மக்களவையில் அறிவித்துள்ளது.
2. அசாமில் குடியரசு தினவிழாவுக்கு சென்ற மந்திரிக்கு கருப்புக்கொடி காட்டிய மாணவர்கள்
அசாமில் குடியரசு தினவிழாவுக்கு சென்ற மந்திரிக்கு மாணவர்கள் கருப்புக்கொடி காட்டினர்.
3. அசாம் பயணத்தை தவிர்த்தார் பிரதமர் மோடி
'கேலோ இந்தியா இளைஞர் விளையாட்டுகள்' அசாமின் கவுகாத்தி நகரில் 10-ம்தேதி தொடங்கவுள்ளன. இதனை தொடங்கி வைக்குமாறு பிரதமர் மோடிக்கு அழைப்பு விடுக்கப்பட்டிருந்தது.
4. அசாமில் வன்முறை ; ரூ.1000 கோடி இழப்பு என அரசு தகவல்
குடியுரிமை திருத்த சட்டத்துக்கு எதிரான போராட்டங்களில் வன்முறை ஏற்பட்டதால், ஆயிரம் கோடி ரூபாய் இழப்பு ஏற்படும் என கணித்திருப்பதாக அசாம் அரசு தெரிவித்துள்ளது.
5. அசாம் மக்களின் உரிமைகளை யாராலும் பறிக்க முடியாது : முதல் மந்திரி சர்பானந்தா சோனோவால்
அசாம் மக்களின் உரிமைகளை யாராலும் பறிக்க முடியாது என்று அம்மாநில முதல் மந்திரி சர்பானந்தா சோனோவால் தெரிவித்துள்ளார்.