<
பெங்களூருவில் ரூ. 400 கோடி செலவில் 25 மாடியில் புதிய தலைமைச்செயலகம்- கர்நாடக பட்ஜெட்டில் அறிவிப்பு
பெங்களூருவில் ரூ. 400 கோடி செலவில் 25 மாடியில் புதிய தலைமைச்செயலகம் கட்டப்படும் என கர்நாடக பட்ஜெட்டில் அறிவிக்கப்பட்டு உள்ளது.
பெங்களூரு
கர்நாடக சட்டசபையின் பட்ஜெட் கூட்டத்தொடர் கடந்த 2-ந் தேதி பெங்களூரு விதான சவுதாவில் தொடங்கியது. கர்நாடக அரசின் 2020-21-ம் ஆண்டுக்கான பட்ஜெட்டை இன்று சட்டசபையில் முதல்-மந்திரி எடியூரப்பா தாக்கல் செய்தார்.
பட்ஜெட்டில் அனைத்து அரசுத் துறைகளும் ஒரே கட்டிடத்தில் செயல்பட வசதியாக, 25 மாடிகளைக் கொண்ட இரட்டை கோபுரக் கட்டிடம் பெங்களூரு ஆனந்த் ராவ் வட்டத்தில் ரூ .400 கோடி செலவில் கட்டப்படும் என கூறினார்.
பட்ஜெட் தடைகளை சமாளிக்கும் முயற்சியாக முதல்வர் எடியூரப்பா கர்நாடகாவில் எரிபொருள் மீதான வரியை அதிகரித்துள்ளார். இதன் மூலம் பெட்ரோல் விலை ரூ .1.60 உயரும் என்று கூறப்படுகிறது.
பட்ஜெட்டின் முக்கிய அம்சங்கள் வருமாறு:-
* எஸ்சி / எஸ்டி மற்றும் பிற பிற்படுத்தப்பட்ட சமூக வாரியத்தின் வளர்ச்சிக்கு ரூ .26,930 கோடி ஒதுக்கீடு
* இப்போது புருஹத் பெங்களூரு மகாநகர பாலிகேவின் ஒரு பகுதியாக இருக்கும் 110 கிராமங்கள் வளர்ச்சிக்கு ரூ .1000 கோடி
* குடிநீர் மகாதே திட்டம் மற்றும் கலசா-பண்டுரி நாலாவி திட்டத்திற்கு ரூ .500 கோடி ஒதுக்கீடு
* விஸ்வகர்மா மேம்பாட்டு வாரியத்திற்கு ரூ .25 கோடியும், ஆர்யா வைஷ்ய வளர்ச்சி வாரியத்திற்கு ரூ .10 கோடியும் ஒதுக்கீடு
* கரிம வேளாண்மை குறித்த கல்வியை வழங்க விவசாயத் துறைக்கு நிதியளிக்க ரூ .200 கோடி ஒதுக்கப்படும்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
