புதுடெல்லி

டெல்லி நிஜாமுதீன் பகுதியில் இந்த மாதம் தொடக்கத்தில் நடந்த தப்லீக் ஜமாத் மாநாட்டில் 250-க்கும் மேற்பட்ட வெளிநாட்டினர் உள்பட 9ஆயிரத்துக்கும் மேற்பட்டோர் பங்கேற்றனர். இந்த மாநாட்டில் பங்கேற்ற பலருக்கு கொரோனா தொற்று இருந்தது. அவர்கள் மூலம் பலருக்கும் பரவியதால்  சர்ச்சை ஏற்பட்டது.

இவர்களில் 300 க்கும் மேற்பட்ட தப்லீகி ஜமாத் ஆர்வலர்கள் கொரோனா சோதனை செய்துள்ளனர், மற்றவர்கள் வெவ்வேறு தனிமைப்படுத்தப்பட்ட மையங்களில் வைக்கப்பட்டுள்ளனர்.

இதுவரை, சுமார் 400 கொரோனா பாதிப்புகளும் நாட்டில் சுமார் 12 இறப்புகளும் நிஜாமுதீன் மார்க்கஸுடன் தொடர்பு வைத்திருப்பது கண்டறியப்பட்டது.

இந்தநிலையில், தப்லீக் ஜமாத் அமைப்பைச் சேர்ந்த வெளிநாட்டினர் 960 பேருக்கான சுற்றுலா விசா ரத்து செய்யப்பட்டு அவர்களது விசா தடுப்புப் பட்டியலில் சேர்க்கப்பட்டுள்ளது. அதில், நான்கு அமெரிக்கர்கள், ஒன்பது இங்கிலாந்து நாட்டவர், ஆறு சீனர்கள் அடங்குவர். அதில், 379 இந்தோனேசியர்கள், 110 வங்காள தேசத்தை சேர்ந்தவர்கள், 63 மியான்மர் நாட்டைச் சேர்ந்தவர்கள், 33 இலங்கை நாட்டைச் சேர்ந்தவர்கள் அடங்குவார்கள்.