மும்பையில் கொரோனா பாதித்தவர்கள் எண்ணிக்கை 10 ஆயிரத்தை நெருங்குகிறது

மும்பை,

நாட்டின் நிதி தலைநகரம் என்று அழைக்கப்படும் மும்பையில் கொரோனா  வேகமாக பரவி  வருகிறது.  மும்பையில் இன்று மட்டும் மேலும் 653 பேருக்கு கொரோனா தொற்று உறுதி செய்யப்பட்டது. அதேபோல், 26 பேர் கொரோனா பாதிப்பால் இன்று உயிரிழந்துள்ளனர்.  மும்பையில் இதுவரை கொரோனா பாதித்தவர்கள் எண்ணிக்கை 9758 ஆக உள்ளது.  அதேபோல், மும்பையில் கொரோனா பாதிப்பால் உயிரிழந்தவர்கள் எண்ணிக்கையும் 387 -ஆக அதிகரித்துள்ளது.  

மராட்டியம் மாநிலம் முழுவதும் கொரோனா பாதித்தவர்கள் எண்ணிக்கை 15,526  ஆக உயர்ந்துள்ளது.  அதேபோல், மராட்டியத்தில் கொரானா பாதிப்பால் உயிரிழந்தவர்கள் எண்ணிக்கை 617 ஆக உயர்ந்துள்ளது.  மராட்டியத்தில் 1,99,182 பேர் வீட்டுக் கண்காணிப்பில் தனிமைப்படுத்தப்பட்டுள்ளனர். 12,456 பேர் அரசு முகாம்களில் கண்காணிப்பில் உள்ளனர்.