இந்தியாவில் கடந்த 24 மணி கொரோனாவால் 134 பேர் உயிரிழப்பு;மாநிலம் வாரியாக பாதிப்பு விவரம்

தினத்தந்தி 14 May 2020 12:31 PM IST (Updated: 14 May 2020 5:11 PM IST)

இந்தியாவில் கடந்த 24 மணி கொரோனா தொற்றால் 134 பேர் உயிரிழந்ததையடுத்து, மொத்த பலி எண்ணிக்கை 2549 ஆக உயர்ந்துள்ளது.

புதுடெல்லி

இந்தியாவில் கொரோனா பாதிப்பு எண்ணிக்கை 78 ஆயிரத்தை தாண்டியுள்ள நிலையில், பலி எண்ணிக்கை 2549ஆக அதிகரித்துள்ளது. நோய் பாதிப்பிலிருந்து குணமடைந்தோரின் எண்ணிக்கையும் 26 ஆயிரத்து 235ஆக உயர்ந்துள்ளது.

ஊரடங்கு அமல்படுத்தப்பட்டு தடுப்பு நடவடிக்கைகள் எடுக்கப்பட்ட போதிலும், நாட்டில் கொரோனா பாதிப்பு தொடர்ந்து அதிகரித்தபடி உள்ளது. நாடு முழுவதும் கடந்த 24 மணி நேரத்தில் கொரோனாவால் 3 ஆயிரத்து 722 பேர் பாதிக்கப்பட்டுள்ளனர். இதேபோல் கொரோனா நோய்க்கு 24 மணி நேரத்தில் 134 பேர் உயிரிழந்துள்ளனர்.

இதனால் நாட்டில் கொரோனா தொற்று நோயால் பாதிக்கப்பட்டோரின் எண்ணிக்கை 780003ஆகவும், பலியானோரின் எண்ணிக்கை 2549 ஆகவும் உயர்ந்துள்ளது. இதில் நாடு முழுவதும் பல்வேறு மருத்துவமனைகளில் கொரோனாவுக்கு 49 ஆயிரத்து 219 பேர் சிகிச்சை பெறுகின்றனர்.

நாட்டிலேயே அதிகம் பாதிக்கப்பட்ட மாநிலங்கள் பட்டியலில் முதலிடத்தில் மராட்டிய மாநிலம் உள்ளது. அங்கு பாதிப்பு எண்ணிக்கை 25 ஆயிரத்து 922ஆக அதிகரித்துள்ள நிலையில், பலி எண்ணிக்கை 975 ஆக உயர்ந்துள்ளது.

2 ஆம் இடத்தில் உள்ள குஜராத்தில் பாதிப்பு எண்ணிக்கை 9 ஆயிரத்து 267 ஆக உயர்ந்துள்ள நிலையில், பலி எண்ணிக்கை 566 ஆக அதிகரித்துள்ளது. 3 ஆம் இடத்திலுள்ள தமிழ்நாட்டில் பாதிப்பு எண்ணிக்கை 9 ஆயிரத்து 227 ஆகவும், பலி எண்ணிக்கை 64 ஆகவும் உயர்ந்துள்ளது. 4 ஆம் இடத்தை வகிக்கும் டெல்லியில் பாதிப்பு எண்ணிக்கை 7 ஆயிரத்து 998 ஆகவும், பலி எண்ணிக்கை 106 ஆகவும் உள்ளது.

5 ஆம் இடத்தை வகிக்கும் ராஜஸ்தானில் பாதிப்பு எண்ணிக்கை 4 ஆயிரத்து 328 ஆகவும், பலி எண்ணிக்கை 121ஆகவும் அதிகரித்துள்ளது. நாடு முழுவதும் மருத்துவ சிகிச்சையில் 26 ஆயிரத்து 235 பேர் குணமாகி வீடு திரும்பியுள்ளனர். அவர்களில் அதிகபட்சமாக மராட்டியத்தில் 5547 பேர் குணமாகியிருப்பதாக மத்திய சுகாதார துறை வெளியிட்ட புள்ளி விவரங்கள் கூறுகின்றன.

மாநிலங்கள்	மொத்த பாதிப்பு	குணமானவர்கள்	இறப்பு
அந்தமான் நிகோபார்	33	33	0
ஆந்திரா	2137	1142	47
அருணாசலபிரதேசம்	1	1	0
அசாம்	80	39	2
பீகார்	940	388	7
சண்டிகார்	187	28	3
சத்தீஸ்கார்	59	55	0
தாதர் நகர் காவேலி	1	0	0
டெல்லி	7998	2858	106
கோவா	7	7	0
குஜராத்	9267	3562	566
அரியானா	793	418	11
இமாசலபிரதேசம்	66	39	2
ஜம்மு&காஷ்மீர்	971	466	11
ஜார்கண்ட்	173	79	3
கர்நாடகா	959	451	33
கேரளா	534	490	4
லடாக்	43	22	0
மத்தியபிரதேசம்	4173	2004	232
மராட்டியம்	25922	5547	975
மணிப்பூர்	2	2	0
மேகலயா	13	10	1
மிசோரம்	1	1	0
ஒடிசா	538	143	3
புதுச்சேரி	13	9	1
பஞ்சாப்	1924	200	32
ராஜஸ்தான்	4328	2459	121
தமிழ்நாடு	9227	2176	64
தெலுங்கானா	1367	940	34
திரிபுரா	155	16	0
உத்தரகாண்ட்	72	46	1
உத்தரபிரதேசம்	3729	1902	83
மேற்குவங்காளம்	2290	702	207
மொத்தம்	78003	26235	2549

இந்தியாவில் கடந்த 24 மணி கொரோனாவால் 134 பேர் உயிரிழப்பு;மாநிலம் வாரியாக பாதிப்பு விவரம்

இந்தியாவில் கடந்த 24 மணி கொரோனா தொற்றால் 134 பேர் உயிரிழந்ததையடுத்து, மொத்த பலி எண்ணிக்கை 2549 ஆக உயர்ந்துள்ளது.

தினத்தந்தி

மேலும் செய்திகள்

ஆசிரியரின் தேர்வுகள்...

அதிகம் வாசிக்கப்பட்டவை

செய்திகள்

விளையாட்டு

சினிமா

ஸ்பெஷல்ஸ்

மற்றவை

"Daily Thanthi" a prestigious product from The Thanthi Trust