<
இந்தியாவில் கடந்த 24 மணி நேரத்தில் 5,611 பேருக்கு கொரோனா
இந்தியாவில் கொரோனா பாதித்தவர்கள் எண்ணிக்கை 1,06,750- ஆக உயர்ந்துள்ளது.
புதுடெல்லி,
உலகம் முழுவதும் சுமார் 200 நாடுகளில் கோர தாண்டவம் ஆடி வரும் கொரோனா வைரஸ், இந்தியாவிலும் தனது கோர முகத்தை காட்டி வருகிறது. இந்தியாவில் கொரோனா பரவலைக் கட்டுப்படுத்த ஊரடங்கு அமல்படுத்தப்பட்டுள்ளது.
ஊரடங்கு அமல்படுத்தப்பட்டு இன்றோடு 57-நாட்கள் ஆகியுள்ள போதிலும், கொரோனா பரவல் கட்டுக்குள் வந்தபாடில்லை. கொரோனா தொற்றால் பாதிக்கப்படுபவர்களில் எண்ணிக்கை நாளுக்கு நாள் உயர்ந்து கொண்டே செல்கிறது.
இன்று காலை மத்திய சுகாதாரத்துறை அமைச்சகம் வெளியிட்ட தரவுகளின் படி, இந்தியாவில் கொரோனா பாதித்தவர்கள் எண்ணிக்கை 1,06,750- ஆக உயர்ந்துள்ளது. கொரோனா பாதிப்பால் உயிரிழந்தோர் எண்ணிக்கை 3303 ஆக உயர்ந்துள்ளது.
ஆறுதல் அளிக்கும் செய்தியாக கொரோனாவில் இருந்து குணமடைந்தவர்கள் எண்ணிக்கை 42,298- ஆக அதிகரித்துள்ளது. கடந்த 24 மணி நேரத்தில் இதுவரை இல்லாத அளவுக்கு 5,611- பேர் கொரோனா தொற்றால் பாதிக்கப்பட்டுள்ளது தெரியவந்துள்ளது. அதேபோல், 140 பேர் ஒரே நாளில் உயிரிழந்துள்ளனர்.
மராட்டியத்தில் 37,136 பேரும், தமிழகத்தில் 12,448 -பேரும், குஜராத்தில் 12,140- பேரும் , டெல்லியில் 10,554-பேரும் கொரோனாவால் பாதிக்கப்பட்டுள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
