இந்தியாவில் கொரோனா பாதிப்பு 2 லட்சத்தை நெருங்குகிறது

புதுடெல்லி

மத்துய சுகாதாரத்துறை வெளியிட்டு உள்ள தகவலில் கூறி இருப்பதாவது:-

கடந்த 24 மணி நேரத்தில் 8,171 புதிய கொரோனா  பாதிப்புகள் பதிவாகி உள்ளது மற்றும் 204 இறப்புகளை இந்தியா பதிவு செய்துள்ளது. இந்தியாவில் கொரோனா பாதிப்பு எண்ணிக்கை 1,90,535 லிருந்து 1,98,706 ஆக அதிகரித்து உள்ளது. குணமடைந்தோர் எண்ணிக்கை 91,819 லிருந்து 95,527 ஆக உயர்ந்து உள்ளது. உயிரிழந்தோர் எண்ணிக்கை 5,394 லிருந்து 5,598 ஆக அதிகரித்துஉள்ளது. கொரோனா பாதித்த 97,581 பேருக்கு மருத்துவமனையில் சிகிச்சை அளிக்கப்பட்டு வருகிறது என கூறி உள்ளது. 

மராட்டியத்தில் கடந்த 24 மணி நேரத்தில் 2,358 கொரோனா பாதிப்புகள் பதிவாகியுள்ளன. மராட்டியம்  70,000 க்கும் அதிகமான நோய்த்தொற்றுகள் மற்றும் 2,360 க்கும் மேற்பட்ட இறப்புகளைக் கொண்டுள்ளது.

குறிப்பிடத்தக்க வகையில், நாட்டின் நிதி தலைநகரான மும்பை, மாநிலத்தின் கொரோனா வைரஸின் மையமாக மாறியுள்ளது, அங்கு பாதிப்புகளின் எண்ணிக்கை 41,000 ஐ தாண்டியுள்ளது, அதே நேரத்தில் இறப்பு எண்ணிக்கை 1,300 யை  கடந்து இந்தியாவில் முதலிடத்தில் உள்ளது. நேற்று மட்டும் 1,413 பாதிப்புகள் மும்பையில் பதிவாகியுள்ளன.