<
கொரோனா பாதித்த உலக நாடுகள் வரிசையில் 4-வது இடத்தில் இந்தியா
கொரோனா பாதித்த உலக நாடுகள் வரிசையில் 4-வது இடத்தில் இந்தியா; 18 நாட்களில் 10 வது இடத்தில் இருந்து முன்னேறி உள்ளது.
புதுடெல்லி
சர்வதேச அளவில் கொரோனா தொற்றால் பாதிக்கப்பட்ட நாடுகளின் வரிசையில் இந்தியா தற்போது நான்காவது இடத்திற்கு முன்னேறியுள்ளது.
நாடு முழுவதும் தற்போதைய நிலவரப்படி 2,93,754 பேர் தொற்றால் பாதிக்கப்பட்டுள்ளதாக தகவல்கள் தெரிவிக்கின்றன. இதற்கு முன் இங்கிலாந்து 2,91,588 தொற்று நோயாளிகளுடன் நான்காவது இடத்தில் இருந்தது என்பது குறிப்பிடத்தக்கது. இந்தநிலையில் தற்போது இந்தியா, அமெரிக்கா, பிரேசில் மற்றும் ரஷ்யாவுக்கு அடுத்த இடத்தில் உள்ளது.
மே 24 அன்று இந்தியா பட்டியலில் 10 இடத்தில் இருந்தது கொரோனா வைரஸ் எண்ணிக்கை அதிவேகமாக அதிகரித்து வருகிறது. நான்காவது இடத்தை அடைய 18 நாட்கள் மட்டுமே ஆகி உள்ளது.
ஜூன் 1 முதல் ஊரடங்கு தளர்வு அறிவிக்கப்பட்டவுடன் கொரோனா தொற்று அதிகரிக்க தொடங்கி உள்ளது.கடந்த 10 நாட்களும் தொடர்ச்சியாக ஒவ்வொரு நாளும் 9 ஆயிரத்திற்கும் மேற்பட்ட பாதிப்புகள் ஏற்பட்டு உள்ளன.
ரஷ்யாவில் தற்போது 4.93 லட்சம் மக்கள் கொரோனா தொற்றால் பாதிக்கப்பட்டுள்ளனர். பிரேசிலில் இந்த எண்ணிக்கையானது 7.72 லட்சமாக உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
