டெல்லியில் இதுவரை இல்லாத அளவுக்கு ஒரே நாளில் 3630 பேருக்கு கொரோனா

புதுடெல்லி,

தலைநகர் டெல்லியில் கொரோனா வைரஸ் பாதிப்பு தொடர்ந்து அதிகரித்துக்கொண்டே செல்கிறது. கொரோனா வைரஸ் பரவலைக் கட்டுப்படுத்த டெல்லி அரசு பல்வேறு நடவடிக்கைகளை எடுத்து வருகிறது. எனினும், கொரோனா பரவல் டெல்லியில் கட்டுக்குள் வந்தபாடில்லை. 

இந்த நிலையில், டெல்லியில் இதுவரை இல்லாத அளவுக்கு ஒரே நாளில் 3630 பேருக்கு கொரோனா தொற்று உறுதி செய்யப்பட்டுள்ளது. இதன் மூலம் டெல்லியில் கொரோனா உறுதி செய்யப்பட்டவர்கள் எண்ணிக்கை 56746 ஆக உயர்ந்துள்ளது.  டெல்லியில் நேற்று ஒருநாளில் மட்டும் கொரோனா பாதிப்பால் 77 பேர் உயிரிழந்துள்ளனர். கொரோனாவால் இதுவரை உயிரிழந்தவர்கள் எண்ணிக்கை 2112 ஆக உயர்ந்துள்ளது.