தேசிய செய்திகள்

கொரோனா பாதிப்பு குணமடைந்தோர் விகிதம் 62.09% ஆக உயர்வு; சுகாதார அமைச்சகம் அறிவிப்பு + "||" + Corona Impairment Rise to 62.09%

கொரோனா பாதிப்பு குணமடைந்தோர் விகிதம் 62.09% ஆக உயர்வு; சுகாதார அமைச்சகம் அறிவிப்பு

கொரோனா பாதிப்பு குணமடைந்தோர் விகிதம் 62.09% ஆக உயர்வு; சுகாதார அமைச்சகம் அறிவிப்பு
நாட்டில் கொரோனா பாதிப்பில் இருந்து குணமடைந்தோர் விகிதம் 62.09% ஆக உயர்வடைந்துள்ளது என மத்திய சுகாதார அமைச்சகம் அறிவித்துள்ளது.
புதுடெல்லி,

இந்தியாவில் கொரோனாவுக்கு 7.67 லட்சம் பேர் பாதிக்கப்பட்டு உள்ளனர்.  பலி எண்ணிக்கை 21,129 ஆக உயர்வடைந்து உள்ளது.  இந்தியாவில் டெல்லி, குஜராத் மற்றும் உத்தர பிரதேசம் உள்ளிட்ட 21 மாநிலங்கள் மற்றும் யூனியன் பிரதேசங்களின் குணமடைந்தோர் விகிதம் ஆனது, தேசிய சராசரி குணமடைந்தோர் விகிதத்திற்கும் கூடுதலாக உள்ளது என மத்திய சுகாதார அமைச்சகம் கடந்த 3 நாட்களுக்கு முன் தெரிவித்து இருந்தது.

இவற்றில் சண்டிகர் (85.9), லடாக் (82.2), உத்தரகாண்ட் (80.9), சத்தீஷ்கார் (80.6), ராஜஸ்தான் (80.1) ஆகிய மாநிலங்களில் இந்த விகிதம் 80 சதவீதத்திற்கும் மேல் உள்ளது என்றும் தெரிவித்தது.

நாடு முழுவதுமுள்ள 1,115 பரிசோதனை மையங்களில் தொடர்ச்சியாக பரிசோதனை மேற்கொள்ளப்பட்டு வந்ததில், கொரோனா பாதிப்பு பரிசோதனை எண்ணிக்கை 1 கோடியை கடந்துள்ளது என்றும் தெரிவித்து உள்ளது.  நாட்டில் நாளொன்றுக்கு சராசரியாக 2.6 லட்சம் மாதிரிகள் கொரோனா பரிசோதனை செய்யப்படுகின்றன.

இந்தியாவில், கொரோனா பாதிப்பில் இருந்து விடுபட்டு குணமடைந்தவர்களின் விகிதம் தொடர்ந்து அதிகரித்து வருகிறது.  இது நேற்று முன்தினம் 61.13% ஆக உயர்வடைந்து இருந்தது.  இந்த விகிதம் 61.53% ஆக நேற்று உயர்ந்துள்ளது என மத்திய சுகாதார அமைச்சகம் அறிவித்தது.

இந்நிலையில், இந்தியாவில் 2,06,588 பேர் சிகிச்சையில் உள்ளனர்.  சிகிச்சை பெறுவோரின் எண்ணிக்கையை விட குணமடைந்தோர் எண்ணிக்கை 1.75 முறை அதிகம் ஆக உள்ளது.  4.5 லட்சத்துக்கும் மேற்பட்டோர் இதுவரை குணமடைந்து உள்ளனர்.  இதனால், நாட்டில் கொரோனா பாதிப்பில் இருந்து குணமடைந்தோர் விகிதம் 62.09% ஆக உயர்வடைந்துள்ளது என மத்திய சுகாதார அமைச்சகம் அறிவித்துள்ளது.

தொடர்புடைய செய்திகள்

1. நீர்ப்பிடிப்பு பகுதியில் மழை: பாபநாசம் அணை நீர்மட்டம் ஒரே நாளில் 5 அடி உயர்வு
மேற்கு தொடர்ச்சி மலையின் நீர்ப்பிடிப்பு பகுதியில் மழை பெய்து வருவதால் பாபநாசம் அணையின் நீர்மட்டம் ஒரே நாளில் 5 அடி உயர்ந்தது.
2. புதிய உச்சத்தை தொட்டது: தங்கம் விலை ரூ.43 ஆயிரத்தை கடந்து விற்பனை 3 நாட்களில் பவுனுக்கு ரூ.1,712 உயர்வு
தங்கம் விலை கடந்த 3 நாட்களில் மட்டும் பவுனுக்கு ரூ.1,712 அதிகரித்து, ஒரு பவுன் ரூ.43 ஆயிரத்து 328-க்கு நேற்று விற்பனை ஆனது. இதன்மூலம் வரலாறு காணாத புதிய உச்சத்தை தங்கம் விலை தொட்டு இருக்கிறது.
3. இந்தியாவில் கொரோனா பாதிப்புகளில் இருந்து குணமடைந்தோர் விகிதம் 67.6 சதவீதம் ஆக உயர்வு
இந்தியாவில் கொரோனா பாதிப்புகளில் இருந்து குணமடைந்தோர் விகிதம் 67.6 சதவீதம் ஆக உயர்ந்து உள்ளது.
4. கொரோனாவில் இருந்து குணம் அடைந்தோர் விகிதம் 65.44 சதவீதமாக உயர்வு
இந்தியாவில் கொரோனா வைரஸ் தொற்றில் இருந்து குணம் அடைந்து ஒரே நாளில் 51 ஆயிரத்துக்கும் அதிகமானோர் வீடு திரும்பினர். மீட்புவிகிதம் 65.44 சதவீதமாக உயர்ந்தது. இறப்புவிகிதம் 2.13 சதவீதமாக குறைந்தது.
5. வரலாறு காணாத கடும் விலை உயர்வு ஒரு பவுன் தங்கம் ரூ.40 ஆயிரத்தை தாண்டியது கிராம் ரூ.5,065-க்கு விற்பனை
தங்கம் விலை வரலாறு காணாத அளவில் உயர்ந்து, ஒரு பவுன் ரூ.40 ஆயிரத்தை தாண்டியது. ஒரு கிராம் தங்கம் ரூ.5 ஆயிரத்து 65-க்கு விற்பனை ஆகிறது.