பிரணாப் முகர்ஜிக்கு ராசியாக அமைந்த 13-ம் எண்

புதுடெல்லி,

பொதுவாக, 13-ம் எண், கெட்ட எண்ணாக கருதப்படுகிறது. ஆனால், மறைந்த முன்னாள் ஜனாதிபதி பிரணாப் முகர்ஜிக்கு 13-ம் எண் ராசியானதாக அமைந்துள்ளது. எண் கணிதத்துக்கே சவால் விடும் இந்த தகவலை பிரணாப் முகர்ஜியின் மகள் ஷர்மிஸ்தா முகர்ஜி தெரிவித்தார்.

பிரணாப் முகர்ஜி, முதன் முதலில் 1969-ம் ஆண்டு ஜூலை 13-ந் தேதி, மாநிலங்களவை எம்.பி.யாக பதவி ஏற்றார். டெல்லியில் தல்கடோரா சாலையில் 13-ம் எண் முகவரி கொண்ட வீட்டில்தான் அவர் 10 ஆண்டுகள் குடியிருந்தார். அப்போதுதான், அவரது அரசியல் வாழ்க்கை உச்சத்தை தொட்டது.

பிரணாப் முகர்ஜியின் திருமண தேதி ஜூலை 13 ஆகும். அவர் நாட்டின் 13-வது ஜனாதிபதி ஆவார்.