கொரோனா பாதிப்பு அதிகம் உள்ள மாநில முதல் அமைச்சர்களுடன் பிரதமர் மோடி நாளை ஆலோசனை

புதுடெல்லி:

பிரதமர் நரேந்திர மோடி  நாளை ஏழு மாநிலங்கள் / யூனியன் பிரதேசங்களின் முதலமைச்சர்கள் மற்றும் சுகாதார அமைச்சர்களுடன் ஆலோசனை கூட்டம் நடத்த உள்ளார்  என்று மத்திய அரசு தெரிவித்துள்ளது. 

கொரோனா பாதிப்பு அதிகம் உள்ள  மராட்டியம், ஆந்திரா, கர்நாடகா, உத்தரப்பிரதேசம், தமிழ்நாடு, டெல்லி மற்றும் பஞ்சாப் ஆகிய மாநில முதல்வர்கள் மற்றும் சுகாதாரத்துறை அமைச்சர்களுடன் பிரதமர் கலந்துரையாடுகிறார்.  

கொரோனா போராட்டத்தில் நாடு ஒரு முக்கிய மைல்கல்லை பதிவு செய்துள்ள நிலையில் இந்த அறிவிப்பு வந்தது. 

கடந்த 24 மணி நேரத்தில் ஒரே நாளில் ஒரு லட்சத்துக்கும் மேற்பட்ட கொரோனா வைரஸ் பாதிப்பில் இருந்து குண்மாகி உள்ளனர் என பதிவு செய்யப்பட்டுள்ளதாக மத்திய சுகாதார மற்றும் குடும்ப நல அமைச்சகம் தெரிவித்துள்ளது.

கடந்த 24 மணி நேரத்தில் 1 லட்சத்துக்கும் மேற்பட்ட நோயாளிகள் குணமடைந்துள்ள நிலையில், இந்தியாவில் அதிக ஒற்றை நாள் மீட்டெடுப்புகள் பதிவு செய்யப்பட்டுள்ளன. இதன் மூலம், மொத்த மீட்டெடுப்புகளின் எண்ணிக்கை கிட்டத்தட்ட 45 லட்சம் (44,97,867) ஆகும். இதன் விளைவாக மீட்பு விகிதம் 80.86 சதவீதத்தை எட்டியுள்ளது ”என்று சுகாதார அமைச்சகம் தெரிவித்துள்ளது.

கடந்த 24 மணி நேரத்தில் 75,083 புதிய கொரோனா பாதிப்புகள்  மற்றும் 1,053 இறப்புகள் பதிவாகி உள்ளது.

மொத்த கொரோனா பாதிப்பு இப்போது 55,62,664 ஆக உள்ளது, இதில்  சிகிச்சையில்  9,75,861 பேர்  உள்ளனர்.

இந்தியாவில் இதுவரை மொத்தம் 88,935 உயிரிழப்புகள் பதிவாகியுள்ளன.