தேசிய செய்திகள்

நாளை முதல் பெங்களூருவில் இருந்து புதுச்சேரிக்கு அரசு பஸ்கள் இயக்கம் - கே.எஸ்.ஆர்.டி.சி. அறிவிப்பு + "||" + KSRTC to resume Bengaluru-Puducherry services from Oct 23

நாளை முதல் பெங்களூருவில் இருந்து புதுச்சேரிக்கு அரசு பஸ்கள் இயக்கம் - கே.எஸ்.ஆர்.டி.சி. அறிவிப்பு

நாளை முதல் பெங்களூருவில் இருந்து புதுச்சேரிக்கு அரசு பஸ்கள் இயக்கம் - கே.எஸ்.ஆர்.டி.சி. அறிவிப்பு
நாளை முதல் (அக்., 23) பெங்களூருவில் இருந்து புதுச்சேரிக்கு அரசு பஸ்கள் இயக்கப்பட உள்ளதாக கே.எஸ்.ஆர்.டி.சி. அறிவித்து உள்ளது.
பெங்களூரு, 

கர்நாடகத்தில் இருந்து அண்டை மாநிலங்களான தமிழ்நாடு, கேரளா, புதுச்சேரி, ஆந்திரா, தெலுங்கானா, மராட்டிய மாநிலங்களுக்கு கர்நாடக அரசு போக்குவரத்து கழகம் (கே.எஸ்.ஆர்.டி.சி) சார்பில் தினமும் சுமார் 1,000-க்கும் மேற்பட்ட அரசு பஸ்கள் இயக்கப்பட்டு வந்தன. இந்த நிலையில் கொரோனா பரவலால் பஸ், ரெயில், விமான போக்குவரத்து சேவைகளுக்கு மத்திய அரசு தடை விதித்தது. அதன்பின்னர் ஊரடங்கில் தளர்வுகளை செய்த மத்திய அரசு பஸ், ரெயில், விமான போக்குவரத்து சேவைகளுக்கு மீண்டும் அனுமதி வழங்கி இருந்தது.

இதையடுத்து கர்நாடக அரசு போக்குவரத்து கழகம் சார்பில் கர்நாடகத்தில் இருந்து ஆந்திரா, தெலுங்கானா, மராட்டியம், கேரளா ஆகிய மாநிலங்களுக்கு அரசு பஸ்கள் மீண்டும் இயக்கப்பட்டன. ஆனால் தமிழ்நாடு, புதுச்சேரியில் கொரோனா பாதிப்பு அதிகரித்து கொண்டே செல்வதால் இந்த 2 மாநிலங்களுக்கு மட்டும் கர்நாடகத்தில் இருந்து பஸ்கள் இயக்கப்படாமல் இருந்தன.

இந்த நிலையில் புதுச்சேரிக்கு அரசு பஸ்களை இயக்க கர்நாடக அரசு போக்குவரத்து கழகம் முடிவு செய்து உள்ளது. இதுகுறித்து கர்நாடக அரசு போக்குவரத்து கழகம் வெளியிட்டு உள்ள செய்திக்குறிப்பில், “ கொரோனா பரவல் காரணமாக கர்நாடகத்தில் இருந்து புதுச்சேரிக்கு அரசு பஸ் சேவை நிறுத்தப்பட்டு இருந்தது. இந்த பஸ் சேவையை வருகிற 23-ந் தேதி (நாளை) முதல் இயக்க முடிவு செய்யப்பட்டு உள்ளது. அதன்படி பெங்களூருவில் இருந்து நாளை முதல் புதுச்சேரிக்கு அரசு பஸ்கள் இயக்கப்பட உள்ளது. இந்த பஸ்களில் பயணம் செய்யும் பயணிகள் கட்டாயம் முகக்கவசம் அணிந்து வர வேண்டும். இந்த பஸ்சில் பயணம் செய்ய www.ksrtc.in என்ற இணையதள முகவரியில் டிக்கெட்டை முன்பதிவு செய்து கொள்ளலாம் என்று அதில் கூறப்பட்டு இருந்தது.

தொடர்புடைய செய்திகள்

1. நாளை முதல் சிறப்பு ரெயில்கள் இயக்கம்: ஈரோடு ரெயில் நிலையத்தில் முன்பதிவு தொடங்கியது
நாளை (திங்கட்கிழமை) முதல் ரெயில்கள் இயங்குவதால் ஈரோடு ரெயில் நிலையத்தில் நேற்று முன்பதிவு தொடங்கியது.
2. நாளை முதல் மும்பையில் மீண்டும் ஒருவாரம் மழை பெய்ய வாய்ப்பு - வானிலை ஆய்வு மையம் தகவல்
மும்பையில் நாளை அல்லது நாளை மறுநாள் முதல் ஒரு வாரம் மீண்டும் பருவமழை தீவிரமாக பெய்யும் என வானிலை ஆய்வு மையம் தெரிவித்து உள்ளது.
3. நாளை முதல் அண்ணா பல்கலைக்கழகம் வழக்கம் போல் செயல்படும் - பல்கலைகழக பதிவாளர் அறிவிப்பு
நாளை முதல் அண்ணா பல்கலைக்கழகம் வழக்கம் போல் செயல்படும் என பல்கலைகழக பதிவாளர் அறிவித்துள்ளார்
4. நாளை முதல் 30-ந் தேதி வரை மண்டலத்திற்குள் போக்குவரத்து ரத்து - முதலமைச்சர் பழனிசாமி அறிவிப்பு
நாளை முதல் வரும் 30-ந் தேதி வரை மண்டலத்திற்குள்ளான போக்குவரத்து ரத்து செய்யப்படுவதாக முதலமைச்சர் எடப்பாடி பழனிசாமி தெரிவித்துள்ளார்.
5. நாளை முதல் 2 நாள் பயணமாக கோவை, திருச்சிக்கு எடப்பாடி பழனிசாமி செல்கிறார்
2 நாள் பயணமாக கோவை, திருச்சிக்கு முதல்-அமைச்சர் எடப்பாடி பழனிசாமி செல்கிறார். அப்போது, கோவையில் அத்திக்கடவு-அவிநாசி திட்டம், திருச்சியில் முக்கொம்பு கதவணை கட்டும் பணிகள் உள்பட பல்வேறு வளர்ச்சி திட்டப் பணிகளை ஆய்வு செய்கிறார்.