மராட்டியத்தில் சாலை விபத்தில் 3 பேர் பலி: 8 பேர் காயம் என தகவல்

மும்பை,

மராட்டிய மாநிலம் சதாரா மாவட்டம் காரத் அருகே சாலை விபத்தில் மூன்று பேர் உயிரிழந்தனர், 8 பேர் காயமடைந்தனர். இறந்த 3 பேர் புனேவைச் சேர்ந்த மல்யுத்த வீரர்கள் என்று தெரிய வந்துள்ளது. இவர்கள் கோலாப்பூரிலிருந்து ஒரு காரில் திரும்பி வந்து கொண்டிருக்கும் போது வாகனங்கள் முந்தும் போது இரண்டு வாகனங்கள் ஒன்றுடன் ஒன்று  மோதி விபத்து ஏற்பட்டுள்ளதாக போலீசார் தரப்பில் தெரிவிக்கப்பட்டுள்ளது. இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர். 

மராட்டியத்தை தொடர்ந்து ஒடிசாவில் கோராபுட் மாவட்டம்  சாலை விபத்தில் கோட்புட்டில் வேன் கவிழ்ந்ததில் 9 பேர் உயிரிழந்தனர். 13 பேர் காயமடைந்தனர்.

"பயணிகள் ஒடிசாவின் சிந்திகுடா கிராமத்திலிருந்து சத்தீஸ்கரில் உள்ள குல்தா கிராமத்திற்கு சென்று கொண்டிருந்தப் போது இந்த விபத்து ஏற்பட்டுள்ளது.  காயமடைந்தவர்கள் சிகிச்சைக்காக மருத்துவமனைக்கு மாற்றப்பட்டுள்ளனர்.