<
உத்தர பிரதேசத்தில் கொரோனா தொற்றை முறியடித்த புதிதாக பிறந்த குழந்தை
உத்தர பிரதேசத்தில் புதிதாக பிறந்த குழந்தை கொரோனா தொற்றை முறியடித்து உள்ளது.
காசியாபாத்,
உத்தர பிரதேசத்தின் காசியாபாத் நகரில் புதிதாக பிறந்த குழந்தை ஒன்று கொரோனா பாதித்த தாயிடம் இருந்து தொற்று ஏற்பட்டு பின்னர் அதில் இருந்து குணமடைந்து உள்ளது.
இதுபற்றி டாக்டர் கூறும்பொழுது, பிரசவத்திற்கு முன்பு தாய்க்கு கொரோனா பாதிப்பு எதுவும் இல்லை. பிரசவம் முடிந்து வீட்டிற்கு சென்ற பின்னர் அவருக்கு கொரோனா பாதிப்பு ஏற்பட்டு உள்ளது.
பிறந்த குழந்தைக்கு 8 நாள் ஆன நிலையில் தொற்று பரவி பாதிப்பு ஏற்படுத்தி உள்ளது. எனினும், 15 நாட்கள் தொடர்ந்து சிகிச்சை அளித்ததில் குழந்தை கொரோனா பாதிப்புகளில் இருந்து விடுபட்டு உள்ளது.
இதனால், குழந்தையை நாங்கள் வீட்டுக்கு அனுப்பி வைத்துள்ளோம் என கூறியுள்ளார். பிறந்து 22 நாட்களேயான குழந்தைக்கு கொரோனா பாதிப்பு ஏற்பட்டு 15 நாட்களில் எதிர்ப்பு சக்தி கிடைத்து கொரோனா பாதிப்பில் இருந்து குணமடைந்து உள்ளது.
எனவே, புதிதாக பிறந்த குழந்தைக்கு ஆன்டிபாடி உடனடியாக உருவாகி, நோய் எதிர்ப்பு ஆற்றல் கிடைத்து தொற்றில் இருந்து விடுபட்டு உள்ளது நிரூபணம் ஆகியுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
