<
அரசு அலுவலகத்திற்குள் துப்பாக்கியுடன் செல்பி எடுத்த திரிணாமுல் காங்கிரஸ் பெண் நிர்வாகி
அரசு அலுவலகத்திற்குள் துப்பாக்கியுடன் நுழைந்த திரிணாமுல் காங்கிரஸ் மகளிர் அணியைச்சேர்ந்த நிர்வாகியின் படம் சமூக வலைதளங்களில் வைரலானது.
கொல்கத்தா
மேற்கு வங்காள மாநிலம் மால்டா மாவட்டத்தில் உள்ள திரிணாமுல் காங்கிரஸ் மகிளா மண்டலின் மூத்த தலைவராக இருப்பவர் மிருணாளினி மண்டல் மைதி. இவர் பழைய மால்டா பஞ்சாயத்து சமிதியின் உள்ளூர் தலைவராக பதவியில் இருக்கிறார்.
நேற்று காலை பஞ்சாயத்து அலுவலகத்திற்கு வந்த மிருணாளினி மண்டல் மைதி, தனது அதிகாரபூர்வ நாற்காலியில் வந்து அமர்ந்தார், பின்னர், ஒரு கையில் துப்பாக்கியுடன் ஸ்டைலாக செல்பி எடுக்க போஸ் கொடுப்பதை அங்கிருந்தவர்கள் தங்கள் கேமராக்களில் பதிவு செய்தனர்.
சிறிதுநேரத்தில் அவர்கள் இப்படத்தை வலைதளங்களில் பதிவேற்றம் செய்தவுடன் அலுவலகத்திற்குள் கைத்துப்பாக்கியை வைத்திருக்கும் படம் வைரலாகி வருகிறது.நேற்று வைரலான நிலையில் மால்டா மாவட்ட அரசியலில் பெரும் பரபரப்பையும் சர்ச்சையையும் உண்டாக்கியது.
இதுகுறித்து திரிணாமுல் காங்கிரஸ் நிர்வாகிகள், ''மிருணாளினி மண்டல் மைதி செய்தது மிகவும் தவறான செயல். அதிகாரப்பூர்வ நாற்காலியில் அமர்ந்து துப்பாக்கியுடன் விளையாட முடியாது. இது உண்மையான துப்பாக்கியா அல்லது பொம்மை துப்பாக்கியா என போலீசார் விசாரணை நடத்துவார்கள்.'' என்று தெரிவித்துள்ளனர்.
திரிணாமுல் காங்கிரஸ் மாநில பொதுச் செயலாளர் கிருஷ்ணேந்து நாராயண் சவுத்ரி கூறுகையில், ''புகைப்படத்தைப் பார்க்கும்போது அது ஒரு உண்மையான துப்பாக்கிதான் என்று தெரிகிறது. இதுபோன்ற ஒரு சம்பவத்தால் கட்சியின் புகழ் சிதைகிறது என்றார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
