<
பஞ்சாப் முதல்-மந்திரி பதவியில் இருந்து அமரீந்தர் சிங் நீக்கம் ஏன்? ராகுல்காந்தி பதில்
பஞ்சாப் முதல்-மந்திரி பதவியில் இருந்து கேப்டன் அமரீந்தர் சிங் ஏன் நீக்கப்பட்டார் என்பது குறித்து காங்கிரஸ் முன்னாள் தலைவர் ராகுல் காந்தி விளக்கம் அளித்துள்ளார்.
சண்டிகர்,
பஞ்சாபில் பிப்ரவரி 20-ம் தேதி ஒரே கட்டமாக தேர்தல் நடைபெற உள்ளது. பஞ்சாப் சட்டப்பேரவைத் தேர்தலையொட்டி 'நவி சோச் நவா பஞ்சாப்' என்ற பெயரில் காங்கிரஸ் பிரச்சாரம் செய்து வருகிறது.
இந்தநிலையில் பஞ்சாபின் பதேகர் சாஹிப்பில் நடந்த பொதுக்கூட்டத்தில் காங்கிரஸ் முன்னாள் தலைவர் ராகுல் காந்தி கலந்து கொண்டு பேசினார். அப்போது அவர் கூறியதாவது:
பஞ்சாப் முதல்-மந்திரி பதவியில் இருந்து கேப்டன் அமரீந்தர் சிங் ஏன் நீக்கப்பட்டார் என்பதை நான் உங்களுக்கு கூறுகிறேன். ஏழை மக்களுக்கு இலவச மின்சாரம் வழங்க ஒப்புக் கொள்ளாததால் தான் அவர் அதிரடியாக நீக்கப்பட்டார். மின்சாரம் வழங்கும் நிறுவனங்களுடன் தனக்கு ஒப்பந்தம் உள்ளதாக அவர் கூறினார்.
போதைப்பொருள் நாட்டுக்கு அச்சுறுத்தல் என்று நான் தொடர்ந்து கூறினேன். நான் இதை மீண்டும் சொல்கிறேன், பஞ்சாப் பரிசோதனை செய்ய வேண்டிய மாநிலம் அல்ல. போதைப்பொருள் இளைஞர்களின் வாழ்க்கையை அழித்துக்கொண்டால் பஞ்சாபில் வளர்ச்சியும் வளர்ச்சியும் அர்த்தமற்றதாகிவிடும்.
இவ்வாறு ராகுல் காந்தி பேசினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
