<
தேர்தல் தோல்வி: மக்களின் முடிவை பணிவுடன் ஏற்றுக்கொள்கிறேன் - உ.பி. துணை முதல்-மந்திரி
கோப்புப்படம்
தேர்தலில் தோல்வி அடைந்த உ.பி. துணை முதல்-மந்திரி கேசவ் பிரசாத் மவுரியா, மக்களின் முடிவை பணிவுடன் ஏற்றுக்கொள்வதாக தெரிவித்துள்ளார்.
லக்னோ,
உத்தரபிரதேசம், பஞ்சாப், உத்தரகாண்ட், மணிப்பூர் மற்றும் கோவா ஆகிய 5 மாநிலங்களில் பதிவான வாக்குகள் எண்ணப்பட்டு வருகிறது. இதில், உத்தரபிரதேசம், உத்தரகாண்ட், கோவா, மணிப்பூர் ஆகிய 4 மாநிலங்களில் பாஜக முன்னிலை வகித்து மீண்டும் ஆட்சி அமைக்க உள்ளது.
இந்த சூழலில் 403 தொகுதிகளை கொண்ட உ.பி.யில் பாஜக 273 ல் முன்னிலை வகித்து வருகிறது. அதேபோல சமாஜ்வாதி 125 தொகுதிகளிலும், காங்கிரஸ் 2 தொகுதியிலும் முன்னிலை பெற்றுள்ளது.
இந்நிலையில் 7,337 வாக்குகள் வித்தியாசத்தில் சமாஜ்வாதி கட்சியின் பல்லவி படேலிடம் தோல்வியடைந்த, உ.பி. துணை முதல்-மந்திரி கேசவ் பிரசாத் மவுரியா மக்களின் முடிவை பணிவுடன் ஏற்றுக்கொள்வதாக தெரிவித்துள்ளார்.
இதுதொடர்பாக அவர் தனது டுவிட்டரில், “சிரத்து சட்டசபை தொகுதி மக்களின் முடிவை பணிவுடன் ஏற்றுக்கொள்கிறேன், ஒவ்வொரு தொண்டர்களின் கடின உழைப்பிற்கும் எனது நன்றியை தெரிவித்துக்கொள்கிறேன், வாக்கு வடிவில் ஆசி வழங்கிய வாக்காளர்களுக்கு எனது நன்றியை தெரிவித்துக் கொள்கிறேன்” என்று கேசவ் பிரசாத் மவுரியா பதிவிட்டுள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
