ஜி-23 காங்கிரஸ் அதிருப்தி தலைவர்கள் நாளை சோனியா காந்தியை சந்திக்க முடிவு

புதுடெல்லி,

5 மாநில சட்டசபை தேர்தலில் காங்கிரஸ் படுதோல்வி அடைந்த நிலையில், அந்த 5 மாநில கட்சி தலைவர்களை ராஜினாமா செய்யுமாறு காங்கிரஸ் தலைவர் சோனியாகாந்தி கேட்டுக்கொண்டிருந்தார். இதற்கிடையே ஜி-23 என்ற காங்கிரஸ் அதிருப்தி தலைவர்கள் கூட்டம் நடைபெற்றது.  மூத்த தலைவர் குலாம் நபி ஆசாத்தின் டெல்லி இல்லத்தில் கூடி ஆலோசனை நடத்தினர்.  இதில் கபில்சிபல், ஆனந்த்ஷர்மா, பூபிந்தர்சிங் ஹூடா, மணீஷ் திவாரி, சசிதரூர், ராஜ்பாப்பர், சந்தீப் திக் ஷீத் , அம்பிகா சோனி, உள்ளிட்ட தலைவர்கள் கலந்து கொண்டனர். 

கட்சி தலைமை விவகாரம், உள்ளிட்ட பல்வேறு விஷயங்கள் இந்த கூட்டத்தில் விவாதிக்கப்பட்டதாகவும், நாளை (17 ம் தேதி) காங்., தலைவர் சோனியா மற்றும் ராகுலை சந்திப்பது என முடி வு செய்யப்பட்டுள்ளதாகவும் கூறப்படுகிறது.