<
கேரளா: விலை உயர்ந்த பூனைகளை திருடிய வாலிபர் கைது..!
செல்லமாக வளர்க்கும் பிராணிகளை விற்பனை செய்யும் கடையில் 3 விலை உயர்ந்த பூனைகளை திருடிய வாலிபரை போலீசார் கைது செய்தனர்.
கேரளா,
கேரள மாநிலம், இடுக்கி மாவட்டம் கார்கூந்தல் பகுதியில் வசிப்பவர் தங்கப்பன் (வயது 38). இதே பகுதியில் ஜோஸ் என்பவர் செல்லப்பிராணிகளை வியாபாரம் செய்து வருகிறார். இவர் கிளி, அணில், பறவை, பூனைகள் உட்பட பல உயிரினங்களை விற்பனை செய்து வருகிறார்.
இவருடைய கடையில் இருந்து கடந்த 2 தினங்களுக்கு முன்பு மூன்று பூனைகள் காணாமல் போயிருப்பது தெரிய வந்தது. இதுகுறித்து இடுக்கி போலீசில் புகார் கொடுத்தார். புகாரை பெற்றுக் கொண்ட போலீசார் அந்த பகுதியில் உள்ள சிசிடிவி கேமராக்கள் மூலம் விசாரணை நடத்தியதில் பூனைகளை கடத்திக் கொண்டு சென்றது தங்கப்பன் என தெரியவந்தது.
அதன் பேரில் போலீசார் தங்கப்பனை பிடித்து அவரிடம் இருந்து 3 பூனைகளையும் மீட்டனர். அவர் திருடிய மூன்று பூனையும் 27 ஆயிரம் ரூபாய் மதிப்பு உள்ளது என கடை உரிமையாளர் தெரிவித்தார். மேலும் பூனையை திருடிய தங்கப்பனை கைது செய்து மேற்கொண்டு விசாரித்து வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
