ராணுவ கல்லூரியில் பயிற்சி பெற்ற முப்படை அதிகாரிகளுக்கு பட்டமளிப்பு விழா

குன்னூர் அருகேயுள்ள வெலிங்டனில் ராணுவ பயிற்சி கல்லூரி உள்ளது. இங்கு ராணுவம், விமானப் படை, கப்பற்படை மாணவ அதிகாரிகளுக்கு பயிற்சி அளிக்கப்பட்டு வருகிறது. ராணுவ பயிற்சியில் இந்திய நாட்டு முப்படை அதிகாரிகளுக்கு மட்டுமின்றி காமன்வெல்த் மற்றும் இந்தியாவின் நட்பு நாடுகளின் முப்படை அதிகாரிகளுக்கும் பயிற்சி அளிக்கப்பட்டு வருகிறது

இந்நிலையில் ராணுவ பயிற்சி கல்லூரியில் பயிற்சி முடித்த முப்படை அதிகாரிகளுக்கு பட்டமளிப்பு விழா நடைபெற்று வருகிறது. 77 ம் ஆண்டு பட்டமளிப்பு விழா கல்லுரி அரங்கில் நடைபெற்றது. விழாவிற்கு கல்லூரி கமாண்டெண்ட் லெப்டினென்ட் ஜெனரல் மோகன் தலைமை தாங்கினார்.

இதில் கடந்த ஆண்டு டிசம்பர் மாதம் 8ம் தேதி நடைபெற்ற ஹெலிகாப்டர் விபத்தில் உயிரிழந்த விமானப் படை குருப் கேப்டன் வருண் சிங் நினைவு கோப்பை பயிற்சியில் சிறந்து விளங்கிய இரு அதிகாரிகளுக்கு வழங்கப்பட்டன. பட்டமளிப்பு விழாவில் சிறப்பு அழைப்பாளர்களாக கலந்து கொண்ட குருப் கேப்டன் வருண் சிங் குடும்பத்தினர் கோப்பைகளையும் சான்றிதழ்களையும் வழங்கினர்.

இதனை தொடர்ந்து பயிற்சி முடித்த இந்தியா உட்பட பல்வேறு நாடுகளை சேர்ந்த முப்படை அதிகாரிகளுக்கு பட்டம் மற்றும் விருதுகள் வழங்கப்பட்டன. நிகழ்ச்சியில் இந்தியாவின் முதல் பீல்ட் மார்ஷல் மானெக்சா மற்றும் பல்வேறு உயரதிகாரிகளின் நினைவாக விருதுகள் வழங்கப்பட்டன.