"மத்திய அரசின் அலட்சியத்தால் 40 லட்சம் பேர் பலி" - ராகுல் காந்தி பகீர் குற்றச்சாட்டு

புதுடெல்லி,

இந்தியாவில் கொரோனா உயிரிழப்பை, பிரதமர் மோடி தலைமையிலான மத்திய அரசு மறைத்திருப்பதாக, காங்., எம்.பி., ராகுல் குற்றம் சாட்டியுள்ளார்.

இதுகுறித்து அவர் கூறியிருப்பதாவது: 

பிரதமர் மோடி உண்மையை பேசவில்லை; மற்றவர்களையும் பேசவிடவில்லை. கொரோனா பாதிப்புக்குள்ளாகி மருத்துவமனையில் சிகிச்சை பெற்றவர்களில், ஆக்சிஜன் பற்றாக்குறை ஏற்பட்டு யாரும் உயிரிழக்கவில்லை என தற்போது வரை பொய் சொல்லிக் கொண்டிருக்கிறார்கள். நான் முன்பே கூறியது போல், கோவிட் காலத்தில், அரசின் அலட்சியத்தால் உயிரிழந்தது 5 லட்சம் பேர் கிடையாது. 40 லட்சம் இந்தியர்கள் பலியாகினர். மத்திய அரசு அதன் பொறுப்பை நிறைவேற்ற வேண்டும். கொரோனா பாதிப்புக்குள்ளான ஒவ்வொரு குடும்பத்திற்கும் ரூ.4 லட்சம் இழப்பீடு வழங்க வேண்டும் என்றார்.