<
குடிமைப் பணிகள் தினத்தையொட்டி "பிரதமர் விருதுகள்" வழங்கும் விழா நாளை நடைபெறும் - மத்திய அரசு தகவல்
கோப்புப்படம்
பொது நிர்வாக துறைகளில் புதுமையான வழிமுறைகளை பயன்படுத்துதல் ஆகியவைகளுக்கு மொத்தம் 16 விருதுகள் இந்த ஆண்டு வழங்கப்படும்.
புதுடெல்லி,
குடிமைப் பணிகள் தினத்தில், பொது நிர்வாகத்தில் சிறந்து விளங்கும் அலுவலர்களுக்கான பிரதமர் விருதுகளை, பிரதமர் நரேந்திர மோடி வழங்குகிறார்.
முன்னோடி திட்டங்கள் மற்றும் புதுமையான வழிமுறைகளை திறம்பட செயல்படுத்தியதற்காக இந்த விருதுகள் வழங்கப்படுகிறது. சாதாரண குடிமக்களின் நலனுக்காக திட்டங்கள் செயல்படுத்தும் மத்திய மாநில அமைப்புகள், அந்த அமைப்புகளால் செய்யப்படும் அசாதாரணமான, புதுமையான பணிகளை அங்கீகரிக்கும் நோக்கில் இந்த விருதுகள் வழங்கப்படுகிறது.
இந்த விருது வழங்கும் நிகழ்ச்சி நாளை காலை 11 மணிக்கு புது டெல்லி விஞ்ஞான் பவனில் நடைபெறும். இந்த நிகழ்ச்சியில் குடிமைப் பணி அலுவலர்களிடம் பிரதமர் மோடி உரையாற்றவுள்ளார்.
பின்வரும் ஐந்து முன்னோடி திட்டங்களில் மிகவும் சிறப்பான பணியாற்றியவர்களுக்கு இந்த விருதுகள் வழங்கப்படும்;
1."போஷன் அபியானில் மக்கள் பங்கேற்பை ஊக்குவித்தல்,
2.விளையாடு இந்தியா திட்டத்தின் மூலம் விளையாட்டு மற்றும் ஆரோக்கியத்தை ஊக்குவித்தல்,
3.தெருவோர வியாபாரிகளுக்கான சிறப்பு நுண்கடன் வசதி திட்டத்தில் டிஜிட்டல் முறையில் பணம் செலுத்துதல் மற்றும் நல்லாட்சியை ஊக்குவித்தல்,
4.ஒரு மாவட்டம் ஒரு தயாரிப்பு திட்டத்தின் மூலம் முழுமையான வளர்ச்சி,
5.மனித தலையீடு இல்லாமல், தடையற்ற முழுமையான சேவைகளை வழங்குதல்.
மேற்கண்ட திட்டங்கள் மற்றும் பொது நிர்வாக துறைகளில் புதுமையான வழிமுறைகளை பயன்படுத்துதல் ஆகியவைகளுக்கு மொத்தம் 16 விருதுகள் இந்த ஆண்டு வழங்கப்படும்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
