<
இந்தி மொழி குறித்து நடிகர்கள் தனிப்பட்ட அர்த்தத்தை உருவாக்க வேண்டாம் - பாஜக தேசிய பொதுச்செயலாளர் சி.டி.ரவி கருத்து
இந்தி மொழி குறித்து நடிகர்கள் தனிப்பட்ட அர்த்தத்தை உருவாக்கி அதை பெரிதாக்க வேண்டாம் என்று பாஜக தேசிய பொதுச்செயலாளர் சி.டி.ரவி கருத்து தெரிவித்துள்ளார்.
பெங்களூரு,
கன்னட நடிகர் சுதீப், இந்தி தேசிய மொழி அல்ல என்று கருத்து பதிவிட்டிருந்தார். இதற்கு பாலிவுட் நடிகர் அஜய் தேவ்கன் தனது கருத்தை தெரிவித்து பதில் கொடுத்தார். இவர்களின் கருத்துகள் சமூக வலைதளங்களில் பரவி பரபரப்பை ஏற்படுத்தி வருகிறது.
இது குறித்து பா.ஜனதா கட்சியின் தேசிய பொதுச்செயலாளருமான சி.டி.ரவி கூறியதாவது:-
முதலில் தாய் மொழிக்கு தான் முக்கியத்துவம் கொடுக்கப்படும். பின்னர் தான் மற்ற மொழிக்கு முக்கியத்துவம் கொடுக்க வேண்டும். ஆனாலும் இந்தி மொழியை இணைப்பு மொழியாக சேர்த்து கொள்வதில் தவறில்லை. பிரதமர் மோடியே தாய் மொழிக்கு முக்கியத்துவம் கொடுக்க கூறியுள்ளார்.
ஆங்கிலேயர்கள் ஒரு காலத்தில் ஆங்கில மொழியை விட்டுசென்றார்கள். ஆனால் இந்தி நம் நாட்டில் ஒரு முக்கியம் வாய்ந்த மொழியாக உள்ளது. நாட்டில் 48 சதவீதம் பேர் இந்தியை தாய் மொழியாக கொண்டுள்ளனர். அதனால் இந்தி மொழி குறித்து நடிகர்கள் தனிப்பட்ட அர்த்தத்தை உருவாக்கி அதை பெரிதாக்க வேண்டாம்.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
