வீட்டில் தனியாக இருந்த பெண் கொலை

பெங்களூரு: பெங்களூரு பேகூர் பகுதியில் வசித்து வந்தவர் சங்கீதா(வயது 40). இவர் நேற்று வீட்டில் தனியாக இருந்தார். அப்போது சங்கீதாவின் வீட்டிற்குள் புகுந்த மர்மநபர்கள் சங்கீதாவை கழுத்தை நெரித்து கொலை செய்துவிட்டு தப்பி சென்றனர். கொலை சம்பவம் பற்றி அறிந்ததும் பேகூர் போலீசார் சம்பவ இடத்திற்கு சென்று சங்கீதாவின் உடலை கைப்பற்றி பிரேத பரிசோதனைக்கு அனுப்பி வைத்தனர்.

சங்கீதாவை கொலை செய்த நபர்கள் யார்? என்ன காரணத்திற்காக கொலை நடந்தது? என்பது தெரியவில்லை. முன்விரோதம் காரணமாக கொலை நடந்ததா?. நகை, பணத்திற்காக கொலை நடந்ததா? என்ற கோணத்திலும் விசாரணை நடந்து வருகிறது. கொலை சம்பவம் குறித்து பேகூர் போலீசார் வழக்குப்பதிவு செய்து விசாரணை நடத்தி வருகின்றனர். மேலும் மர்மநபர்களை வலைவீசி தேடிவருகின்றனர்.