இளம்பெண் கூட்டு கற்பழிப்பு

பெங்களூரு:

வாலிபருடன் காதல்

பெங்களூரு புறநகர் மாவட்டம் ஆனேக்கல் தாலுகா சூர்யாநகர் போலீஸ் எல்லைக்கு உட்பட்ட பகுதியில் ஒரு இளம்பெண் வசித்து வருகிறார். அவர் தொழிற்சாலை ஒன்றில் வேலை பார்த்து வருகிறார். அதே பகுதியில் வடமாநிலத்தை சேர்ந்த 2 வாலிபர்கள் வாடகை வீட்டில் வசித்து வருகின்றனர். அவர்களில் ஒரு வாலிபருக்கும், இளம்பெண்ணுக்கும் இடையே பழக்கம் ஏற்பட்டது.

அந்த பழக்கம் நாளடைவில் அவர்களுக்குள் காதலாக மாறியது. இருவரும் பல்வேறு இடங்களுக்கு சென்று சுற்றித்திரிந்தாக தெரிகிறது. இதற்கிடையில், தன்னுடைய வீட்டுக்கு வரும்படி இளம்பெண்ணை வாலிபர் அழைத்துள்ளார். ஆனால் காதலன் வீட்டுக்கு செல்ல இளம்பெண் மறுத்துவிட்டார். பின்னர் வாலிபர் வற்புறுத்தியதால், அவரை சந்தித்து பேசுவதற்காக இளம்பெண் சென்றுள்ளார்.

இளம்பெண் கூட்டாக கற்பழிப்பு

அங்கு வைத்து இளம்பெண்ணுக்கு, அவரது காதலன் மயக்க மருந்து கொடுத்ததாக கூறப்படுகிறது. இதன் காரணமாக அவர் மயக்கம் அடைந்துள்ளனர். பின்னர் இளம்பெண்ணை, அவரது காதலனும், நண்பரும் சேர்ந்து கூட்டாக கற்பழித்ததாக கூறப்படுகிறது. அன்றைய தினம் நள்ளிரவே இளம்பெண்ணை, அவரது வீட்டுக்கு அழைத்து சென்று காதலன் விட்டு வந்துள்ளார். மறுநாள் தான் கற்பழிக்கப்பட்டு இருப்பது பற்றி இளம்பெண்ணுக்கு தெரியவந்ததாக தெரிகிறது.

இதுபற்றி அவர் உடனடியாக சூர்யாநகர் போலீஸ் நிலையத்தில் புகார் அளித்தார். அதன்பேரில், போலீசார் வழக்குப்பதிவு செய்து விசாரணை நடத்தினார்கள். மேலும் இளம்பெண்ணை கற்பழித்ததாக, அவரது காதலன் மற்றும் நண்பரை போலீசார் கைது செய்தார்கள். அவர்களிடம் விசாரணை நடத்தப்பட்டு வருகிறது. இளம்பெண்ணுக்கு மருத்துவ பரிசோதனை நடத்தப்பட்டுள்ளதுடன், மகளிர் பாதுகாப்பு மையத்தில் தங்க வைக்கப்பட்டுள்ளார்.