கார்கள் நேருக்குநேர் மோதல்; 3 பேர் நசுங்கி சாவு

பெங்களூரு: கோவா மாநிலம் கங்கொனா அருகே டாரி என்ற இடத்தில் நேற்று காலை இரு கார்கள் நேருக்குநேர் மோதிக்கொண்டன. இதில் இரு கார்களும் அப்பளம் போல் நொறுங்கின. இதில் கர்நாடக மாநிலம் உத்தகன்னடா மாவட்டம் கார்வாரில் இருந்து சென்ற ஒரு காரில் பயணித்த 3 பேர் பலியானார்கள்.

மேலும் இரு கார்களில் இருந்த 7 பேர் படுகாயம் அடைந்தனர். போலீஸ் விசாரணையில் பலியானவர்கள் உல்லஷா நாகேர் (வயது 60), அவரது மனைவி வீணா நாகேர் (58), இவர்களது மகன் ஹரீஷ் (35) ஆகியோர் என்பது தெரியவந்தது. இதுதொடர்பாக கோவா போலீசார் வழக்குப்பதிவு செய்து விசாரணை நடத்தி வருகிறார்கள்.