தமிழக வாலிபர் கொலையில் 2 பேர் சிக்கினர்

பெங்களூரு: பெங்களூரு புலிகேசிநகர் அருகே வசித்து வந்தவர் சக்திவேல். இவர், தமிழகத்தை சேர்ந்தவர் ஆவார். கடந்த சில நாட்களுக்கு முன்பு சக்திவேலை மர்மநபர்கள் கத்தியால் குத்தி இருந்தனர். படுகாயம் அடைந்த அவர் பவுரிங் ஆஸ்பத்திரியில் சிகிச்சை பலனின்றி உயிர் இழந்தார். இதுகுறித்து புலிகேசிநகர் போலீசார் வழக்குப்பதிவு செய்து மர்மநபர்களை தேடிவந்தனர்.

இந்த நிலையில், சக்திவேல் கொலை தொடர்பாக பானசாவடியை சேர்ந்த புருஷோத்தம், விக்னேஷ் ஆகிய 2 பேரையும் கைது செய்துள்ளனர். முன்விரோதம் காரணமாக சக்திவேல் கொலை செய்யப்பட்டு இருப்பது தெரியவந்தது.அதுகுறித்து 2 பேரிடமும் விசாரணை நடந்து வருகிறது.