இந்தியாவில் ஒருநாள் பாதிப்பு 100-க்கும் கீழ் வந்தது

புதுடெல்லி,

இந்தியாவில் கடந்த 24 மணி நேரத்தில் 94 பேருக்கு கொரோனா தொற்று உறுதி செய்யப்பட்டுள்ளது. கொரோனா பாதிப்புடன் சிகிச்சை பெறுபவர்கள் எண்ணிக்கை 1,934- ஆக உள்ளது. நாட்டில் இதுவரை கொரோனா உறுதி செய்யப்பட்டவர்கள் எண்ணிக்கை 4 கோடியே 46 லட்சத்து 82 ஆயிரத்து 015- ஆக உயர்ந்துள்ளது. கொரோனா பாதிப்பால் மேலும் 2 பேர் உயிரிழப்பு பதிவாகியுள்ளது.

இதுவரை உயிரிழந்தவர்கள் எண்ணிக்கை 5,30,735- ஆக உயர்ந்துள்ளது. தினசரி கொரோனா பாதிப்பு விகிதம் 0.11 ஆகவும் வாராந்திர பாதிப்பு விகிதம் 0.08 சதவிகிதம் ஆகவும் உள்ளது. இந்தியாவில் இதுவரை கொரோனா பாதிப்புக்கு எதிராக தடுப்பூசி செலுத்தியவர்கள் எண்ணிக்கை 220.28 கோடி டோஸாக உயர்ந்துள்ளது.