2 குழந்தைகளை கொன்று பெண் தற்கொலை

விஜயாப்புரா: விஜயாப்புரா மாவட்டம் சிந்தகி தாலுகா கந்தினகோரி கிராமத்தை சேர்ந்தவர் ஸ்ரீசைலா குப்பேவாடி. இவரது மனைவி அம்மாவ்வா (வயது 32). இந்த தம்பதிக்கு 4 பெண் குழந்தைகள் உள்ளனர். ஸ்ரீசைலா ஆடுகள் மேய்த்து வருகிறார். குடும்ப பிரச்சினை காரணமாக கணவன், மனைவி இடையே அடிக்கடி தகராறு ஏற்பட்டு வந்தது. அதுபோல், நேற்று காலையிலும் அவர்களுக்குள் சண்டை உண்டானது.

இதையடுத்து, தனது ஒரு வயது குழந்தை, 3 வயதான லட்சுமி ஆகிய 2 குழந்தைகளையும் தூக்கி கொண்டு அம்மாவ்வா வெளியே சென்றார். பின்னர் கிராமத்தின் அருகே உள்ள கிணற்றுக்குள் தனது குழந்தைகளை வீசி கொன்றுவிட்டு தானும் கிணற்றில் குதித்து தற்கொலை செய்தார். இதுகுறித்து தேவரஹிப்பரகி போலீசார் வழக்குப்பதிவு செய்து தொடர்ந்து விசாரணை நடத்தி வருகின்றனர்.