தெருநாய்கள் விரட்டியதால் தனியார் மருத்துவமனைக்குள் புகுந்த மான் மீட்பு

பீதர்:

பீதர் மாவட்டம் பசவகல்யாண் அருகே சூலக்கினாலா வனப்பகுதியில் இருந்து உணவு தேடி வேளியேறிய மான் ஒன்று நகரில் சுற்றித்திரிந்தது. இந்த மானை பார்த்த தெருநாய்கள், அதனை விரட்டி சென்றன. நாய்களிடம் இருந்து தப்பித்து ஓடிய அந்த மான், பசவகல்யாணில் உள்ள தனியார் மருத்துவமனைக்குள் புகுந்தது. இதனை பார்த்த மருத்துவமனை ஊழியர்கள், தெருநாய்களை விரட்டியடித்து மானை மீட்டனர். பின்னர் மானுக்கு தண்ணீர் கொடுத்தனர். இதுபற்றி வனத்துறையினருக்கு மருத்துவமனை ஊழியர்கள் தகவல் தெரிவித்தனர். அதன்பேரில் வனத்துறையினர் விரைந்து வந்து, அந்த மானை மீட்டனர். பின்னர் அந்த மானை ஜீப்பில் ஏற்றி வனப்பகுதியில் கொண்டு விட்டனர்.