சாக்லெட் கொடுப்பதாக ஏமாற்றி சிறுமி பலாத்காரம்

சிக்கமகளூரு:-

தாவணகெரே மாவட்டம் ஒசபுரா கிராமத்தை சேர்ந்த கூலி தொழிலாளி ஒருவருக்கு 7 வயது மகள் உள்ளார். இந்த சிறுமி அதே கிராமத்தில் உள்ள அரசு பள்ளியில் 2-வது வகுப்பு படித்து வருகிறாள். தந்தை, தாய் இருவரும் கூலி வேலைக்கு செல்வதால், சிறுமி வீட்டில் தனியாக இருப்பது வழக்கம். நேற்று முன்தினம் அதேபோல தந்தை, தாய் வேலைக்கு ெசன்றிருந்தனர். சிறுமி மட்டும் வீ்ட்டில் இருந்தார். அப்போது அதே கிராமத்தை சேர்ந்த தொழிலாளி நாகராஜ் (28) என்பவர் சிறுமிக்கு சாக்லெட் வாங்கி கொடுப்பதாக அழைத்து சென்றார். பின்னர் அவர் சிறுமியை அங்கிருந்து கோவில் அருகே அழைத்து சென்று புதருக்குள் வைத்து பாலியல் பலாத்காரம் செய்தார். மேலும் இந்த சம்பவத்தை யாரிடமும் கூற கூடாது என்று மிரட்டியுள்ளார். இந்நிலையில் வீட்டிற்கு திரும்பிய சிறுமி தாயிடம் இதை கூறினார். அதை கேட்டு அதிர்ச்சி அடைந்த தாய் உடனே இது குறித்து தாவணகெரே புறநகர் போலீசில் புகார் அளித்தார். அந்த புகாரின் பேரில் போலீசார் நாகராஜ் மீது போக்சோ பிரிவின் கீழ் வழக்கு பதிவு செய்தனர். மேலும் தனிப்படை அமைத்து தலைமறைவான நாகராஜை போலீசார் தேடி வருகின்றனர்.