பெண்ணை கற்பழித்து ஆபாசமாக படம் எடுத்து மிரட்டல், தொழில் அதிபர் மீது போலீசில் புகார்

உப்பள்ளி: தார்வார் மாவட்டம் கல்கட்டகி தாலுகா தேவிகொப்பா கிராமத்தை சேர்ந்தவர் பெண் ஒருவர் தனது கணவர் மற்றும் 2 குழந்தைகளுடன் வசித்து வருகிறார். அதேப்பகுதியை சேர்ந்த தொழில் அதிபரான மவுலா சாபா என்பவரிடம் அந்த பெண்ணின் கணவர் கார் டிரைவராக வேலை பார்த்து வருகிறார். இந்த நிலையில், தொழில்அதிபர், அந்த பெண்ணின் கணவரை அடிக்கடி வெளியூருக்கு வேலை விஷயமாக அனுப்பி வந்தார். இந்த சந்தர்ப்பத்தை பயன்படுத்தி மவுலா சாபா, அந்த பெண்ணின் வீட்டுக்கு சென்று அவரை மிரட்டி கற்பழித்ததாக தெரிகிறது.

மேலும் அந்த பெண்ணை ஆபாசமாக படம் மற்றும் வீடியோ எடுத்துகொண்டதாகவும் தெரிகிறது. இதுகுறித்து வெளியே யாரிடமும் கூறினால் ஆபாச படங்களை வெளியிடுவதாக மிரட்டியதாக தெரிகிறது. இதுகுறித்து அந்த பெண், கல்கட்டகி மகளிர் போலீசில் தொழில் அதிபர் மீது புகார் கொடுத்துள்ளார். அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள். இந்த நிலையில் தொழில் அதிபரை கைது செய்ய போலீசார் எந்த நடவடிக்கையும் எடுக்காததால், மனமுடைந்த அவர், போராட்டம் நடத்தபோவதாக தெரிவித்துள்ளார்.