சாலையை கடக்க முயன்றபோது கார் மோதி விவசாயி சாவு

உப்பள்ளி;

தார்வார் மாவட்டம் உப்பள்ளி தாலுகா கிரேசூர் கிராமத்தை சேர்ந்தவர் பசவப்பா (வயது 50). விவசாயி. இவர் நேற்றுமுன்தினம் இரவு வீட்டிற்கு தேவையான பொருட்கள் வாங்குவதற்காக சென்று இருந்தார். இதையடுத்து அவர் அந்த பகுதியில் உள்ள தேசிய நெடுஞ்சாலையை கடக்க முயன்றுள்ளார்.

அப்போது அவ்வழியாக வேகமாக வந்து கார் ஒன்று பசவப்பா மீது மோதியது. இதில் பசவப்பா தூக்கிவீசப்பட்டு படுகாயம் அடைந்து சம்பவ இடத்திலேயே பரிதாபமாக உயிரிழந்தார். இதைப்பார்த்து அதிர்ச்சி அடைந்த அப்பகுதி மக்கள் உடனே உப்பள்ளி புறநகர் போலீசாருக்கு தகவல் கொடுத்தனர்.

அந்த தகவலின் பேரில் போலீசார் அந்த பகுதிக்கு விரைந்து வந்தனர். பின்னர் அவரது உடலை கைப்பற்றி பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர்.