மீனாட்சி அம்மன் கோவிலில் ரூ.1 கோடியே 21 லட்சம் உண்டியல் காணிக்கை

மதுரை மீனாட்சி அம்மன் கோவில் மற்றும் அதனை சார்ந்த உபகோவில்களில் உள்ள உண்டியல்கள் ஒவ்வொரு மாதமும் திறந்து எண்ணப்படும். அதன்படி அனைத்து உண்டியல்கள் திறந்து நேற்று மீனாட்சி அம்மன் கோவில் மண்டபத்தில் வைத்து எண்ணப்பட்டது. அதில் ஒரு கோடியே 20 லட்சத்து 97 ஆயிரத்து 991 ரூபாய் மற்றும் 0.540 கிராம் தங்கம், 3 கிலோ 280 கிராம் வெள்ளி, 323 அயல்நாட்டு நோட்டுகள் ஆகியவை காணிக்கையாக கிடைத்தன. கோவில் துணை கமிஷனர் அருணாச்சலம் தலைமையில் நடந்த இந்த உண்டியல் எண்ணும் பணியில் கோவில் பணியாளர்கள், வங்கி பணியாளர்கள் உள்ளிட்ட பலர் கலந்து கொண்டனர்.