வாலிபருக்கு 10 ஆண்டு சிறை

ஸ்ரீவில்லிபுத்தூர்,

ஸ்ரீவில்லிபுத்தூர் அருகே உள்ள சீனிவாசப்பேரி பகுதியை சேர்ந்தவர் பாண்டீஸ்வரன் (வயது 36). கூலித்தொழிலாளி. கடந்த 2016-ம் ஆண்டு 10-ம் வகுப்பு பள்ளி மாணவியை கடத்தி சென்று பாலியல் தொல்லை கொடுத்துள்ளார். இதுகுறித்து ஸ்ரீவில்லிபுத்தூர் போலீசார் வழக்குப்பதிவு செய்து பாண்டீஸ்வரனை கைது செய்து ஸ்ரீவில்லிபுத்தூரில் உள்ள போக்சோ நீதிமன்றத்தில் வழக்கு தொடர்ந்தனர். இந்த வழக்கை நீதிபதி பூரண ஜெய ஆனந்த் விசாரித்து பாண்டீஸ்வரனுக்கு 10 ஆண்டு சிறை தண்டனையும் ரூ.10 ஆயிரம் அபராதமும் விதித்தார். அத்துடன் பாதிக்கப்பட்ட மாணவிக்கு தமிழக அரசு ரூ.10 லட்சம் இழப்பீடு வழங்க பரிந்துரை செய்து உத்தரவிட்டார்.