100 ஏக்கர் விளைநிலங்கள் வெள்ளத்தில் மூழ்கின

விருத்தாசலம்:

தமிழகம் முழுவதும் கடந்த சில நாட்களாக கோடை மழை ஆங்காங்கே பெய்து வருகிறது. கடலூர் மாவட்டத்திலும் ஒரு சில இடங்களில் மிதமான மற்றும் பலத்த மழை பெய்தது. இந்த நிலையில் விருத்தாசலம் அடுத்த கருவேப்பிலங்குறிச்சி அருகே உள்ள வண்ணாங்குடிகாடு பகுதியில் நேற்று முன்தினம் பெய்த கனமழையின் காரணமாக அப்பகுதியில் 100-க்கும் மேற்பட்ட ஏக்கர் பரப்பளவில் விளை நிலங்கள் வெள்ளத்தில் மூழ்கின. கடன் வாங்கி சாகுபடி செய்த பயிர்கள் வெள்ளத்தில் மூழ்கி இருப்பதை கண்டு விவசாயிகள் கவலை அடைந்தனர். மழை வெள்ளத்தை வடிய வைப்பதற்கு உரிய நடவடிக்கை எடுக்க வேண்டும் எனவும், சேதம் அடைந்த பயிர்களுக்கு இழப்பீடு வழங்க வேண்டும் என விவசாயிகள் கோரிக்கை விடுத்து வருகின்றனர்.