100 நாள் வேலை திட்டத்தை அமல்படுத்த வேண்டும்

தலைஞாயிறு பகுதி பொதுமக்கள் தமிழக முதல்-அமைச்சருக்கு ஒரு கோரிக்கை மனு அனுப்பி உள்ளனர். அதில் கூறியிருப்பதாவது:- நகர்ப்புற உள்ளாட்சி பகுதி மக்களின் நீண்ட நாள் கோரிக்கையினை நிறைவேற்றும் வகையில் பேரூராட்சி மற்றும் நகராட்சி பகுதிகளுக்கு 100 நாள் வேலை திட்டத்தை அமல்படுத்தி முதல்-அமைச்சர் மு.க.ஸ்டாலின் ஆணை பிறப்பித்துள்ளார். இந்த திட்டம் கிராம பகுதிகளில் அமல்படுத்தப்பட்டுள்ளது. தலைஞாயிறு பேரூராட்சியில் இதுவரை அமல்படுத்தப்படவில்லை. எனவே பொதுமக்களின் நலன் கருதி தலைஞாயிறு பேரூராட்சிக்கு 100 நாள் வேலை திட்டத்தை நடப்பு ஆண்டிலேயே அமல்படுத்த வேண்டும்.

இவ்வாறு அதில் கூறப்பட்டுள்ளது.