பணம் வைத்து சூதாடிய 12 பேர் கைது

நாகர்கோவில்:

நாகர்கோவில் கோட்டார் போலீசார் நேற்று முன்தினம் இரவு சிதம்பரம் நகர் பகுதியில் ரோந்து சென்றனர். அப்போது அங்கு சிலர் பணம் வைத்து சூதாடி கொண்டிருந்தனர். அவர்களை போலீசார் மடக்கி பிடித்து விசாரணை நடத்தினர்.

விசாரணையில் செட்டிதெருவை சேர்ந்த ஷாஜி, வெட்டூர்ணிமடத்தை சேர்ந்த அந்தோணி, கோட்டாரை சேர்ந்த ரங்கநாதன், ராமு, கிருஷ்ணன்கோவிலை ேசர்ந்த சேசுபாலன், மேலபெருவிளையை சேர்ந்த ஜெயசந்திரன், மணி உள்பட 12 பேர் பணம் வைத்து சூதாடியது தெரியவந்தது. இதனைதொடர்ந்து 12 பேரையும் போலீசார் கைது செய்து அவர்களிடம் இருந்து ரூ.45 ஆயிரத்தை பறிமுதல் செய்தனர்.