ரூ.18¼ லட்சம் கடத்தல் தங்கம் பறிமுதல்

திருச்சி விமான நிலையத்துக்கு நேற்று முன்தினம் இரவு சுமார் 10.30 மணி அளவில் சிங்கப்பூரிலிருந்து ஸ்கூட் விமானம் வந்தது. இந்த விமானத்தில் வந்த பயணிகளை வான் நுண்ணறிவு பிரிவு சுங்கத்துறை அதிகாரிகள் சோதனை செய்தனர். அப்போது சிவகங்கையை சேர்ந்த ராஜமாணிக்கம் (வயது 43) என்ற பயணி கொண்டு வந்த கிரைண்டிங் என்ற எந்திரத்தில் ரூ.18 லட்சத்து 35 ஆயிரம் மதிப்புள்ள 349 கிராம் தங்கத்தை கடத்தி வந்தது தெரியவந்தது. இதனையடுத்து அதனை பறிமுதல் செய்த அதிகாரிகள் அவரிடம் தொடர்ந்து விசாரணை நடத்தி வருகின்றனர்.