சீவலப்பேரி தொழிலாளி கொலையில் மேலும் 2 பேர் கைது

பாளையங்கோட்டை அருகே உள்ள சீவலப்பேரி யாதவர் தெருவை சேர்ந்த, சங்கரலிங்கம் என்பவருடைய மகன் மாயாண்டி (வயது 38). தொழிலாளி. இவர் கடந்த 10-ந் தேதி கொலை செய்யப்பட்டார். இதுகுறித்து சீவலப்பேரி போலீசார் வழக்குப்பதிவு செய்து விசாரணை நடத்தி இதுவரை 13 பேரை கைது செய்தனர். மேலும் இந்த வழக்கில் சம்பந்தப்பட்ட முறப்பநாட்டை சேர்ந்த பால்மாரி (27) மற்றும் சீவலப்பேரியை சேர்ந்த 18 வயது மதிக்கத்தக்க சிறுவன் ஆகிய இருவரை போலீசார் நேற்று கைது செய்தனர். இதுவரை மொத்தம் 15 பேர் கைது செய்யப்பட்டுள்ளனர்.