ஆலையில் இரும்பு திருடிய 2 பேர் கைது

வடலூர்:வடலூரில்

வடலூர் 4 முனை சந்திப்பில் சப்-இன்ஸ்பெக்டர் சங்கர் தலைமையிலான போலீசார் வாகன சோதனையில் ஈடுபட்டனர். அப்போது விருத்தாசலம் நோக்கி வேகமாக வந்த மினி லாரியில் 3½ டன் இரும்பு பொருட்கள் இருந்தது. மினி லாரியில் வந்தவர்களிடம் நடத்திய விசாரணையில், ஆண்டார்முள்ளிபள்ளம் கிராமத்தை சேர்ந்த தேவர் மகன் இளையபெருமாள் (வயது 34), பெரியப்பட்டு கிராமத்தை சேர்ந்த பாண்டியன் மகன் தமிழரசன் (36) என்பதும், அய்யம்பேட்டையில் உள்ள தனியார் எண்ணெய் சுத்திகரிப்பு ஆலையில் இருந்து இரும்பு பொருட்களை திருடி வந்ததும் தெரியவந்தது. இதையடுத்து இளையபெருமாள், தமிழரசனை போலீசார் கைது செய்தனர். மேலும் அவர்களிடமிருந்த இரும்பு பொருட்கள், மினி லாரி பறிமுதல் செய்யப்பட்டது. இதனிடையே போலீசை கண்டதும் தப்பி ஓடிய பாலகுமாரை தேடி வருகின்றனர்.