ஆடு திருடிய 2 பேர் கைது

நெல்லை அருகே கங்கைகொண்டான் இத்திகுளம் பகுதியை சேர்ந்தவர் வேல்பாண்டி (வயது 48). இவர் வீட்டு கொட்டகையில் இருந்த ஒரு ஆட்டை சம்பவத்தன்று மர்மநபர்கள் திருடி சென்றனர். இதுகுறித்து அவர் கங்கைகொண்டான் போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தினர். தாழையூத்தை சேர்ந்த தளவாய் மாடசாமி (23), வண்ணார்பேட்டையை சேர்ந்த மகாராஜா (20) ஆகியோர் சேர்ந்து ஆட்டை திருடியது தெரியவந்தது. இதனையடுத்து போலீசார், 2 பேரையும் கைது செய்தனர்.